Қанлыкөлде «Yoshlar Kelajagimiz» кредити менен өз исбилерменлигин баслаған жаслар ҳаққында

Қанлыкөлде «Yoshlar Kelajagimiz» кредити менен өз исбилерменлигин баслаған жаслар ҳаққында

 

Өзбекстан Республикасы Президентиниң 2018-жыл 27-июндағы ««Yoshlar kelajagimiz» Мәмлекетлик бағдарламасы ҳаққында»ғы ПФ-5466-санлы Пәрманының орынланыўын тәмийинлеў барысында, «Yoshlar-kelajagimiz» фонды Қанлыкөл районлық филиалы тәрепинен пәрман талапларын әмелге асырыўды шөлкемлестириў бойынша штаб қурамында түрли бағдарлардаги жәми 108 адамнан ибарат исши топар аймақлардағы жаслардың тилек ҳәм усыныслары тийкарында жумыс алып бармақта. Бул ҳаққында район ҳәкимлиги хабар берди.

Аўыл жасларының мәўсимий жумыслар менен бәнтлигин тәмийинлеў арқалы дәрәматын асырыў, ғәлледен босаған жер майданларынан үнемли пайдаланыў, жасларды фермерлик жумысына жәнеде кең тартыў мақсетинде «Бир фермерге бир жас» жойбары шеңберинде 131 жасқа 1 га дан жер ажратылып фермер хожалықларына бириктирилди.

«Yoshlar kelajagimiz» Мәмлекетлик бағдарламасы шеңберинде районда реализация қылынатуғын жойбарлардың мәнзилли дизими қәлиплестирилип 2018-жылда 7 жасқа 1 254,0 млн.сўм муғдарында кредитлер ажратылыўы ҳәм 34 жаңа жумыс орынлары жаратылыўы режелестирилген болып, ҳәзирге ўақытта 5 жасқа 654.0 млн.сўм муғдарында кредит ажырытылып жаслар өз жумысын баслады:  

-Ирзаева Нелуфар шарўашылық пенен шуғулланыўы ушын 100,0 млн.сўм,

-Тенгелбаев Азат аўыл хожалығы өнимлерин, қайта ислеў ҳәм қадақлаў үскенесин алыў ушын 500,0 млн.сўм,

-Султанбаева Гулжамила гөззаллық салонын ашыў ушын 18,0 млн.сўм,

 -Джуманиязов Илхам хызмет көрсетиў тараўы ушын 18,0 млн.сўм

 -Урақбаева Анжим гөззаллық салонын ашыў ушын 18,0 млн.сўм.

Кредитлерди мақсетли пайдаланыў бойынша шартнама ҳүжжетлери тийкарында мониторинг жумыслары алып барылып, 2 жастың ҳүжжетлери ТИФ «Миллий банк» Қоңырат филиалына тапсырылды.

Райондағы «Қанлыкөл» посёлка пуқаралар жыйыны аймағындағы «Наўрызлы Истам» фермер хожалығына тийисли болған 2 қабатлы 565,75 кв.м имаратта жаслардың исбилерменлик пенен шуғылланыўы ушын «Жаслар мийнет гүзары» орайы шөлкемлестирилмекте.

«Жаслар мийнет гүзары»нда көрсетилетуғын хызмет түрлери: шаштәрезхана, пайнет хызмети, аяқ кийим устаханасы, электр үскенелер сервис хызмети, гөззаллық салоны, фото студия, тигиўшилик устаханасы иске түсирилиўи режелестирилген имаратда ҳәзирги күнде қурылыс оңлаў  жумыслары әмелге асырылмақта.

Фондтың районлық бөлими тәрепинен 2019-жылда реализация қылынатуғын исбилерменлик жойбарлардың мәнзилли дизимин қәлиплестириў жумыслары алып барылмақта.

 

скачать dle 10.6фильмы бесплатно



  • 18-11-2018, 12:47 |
  • 275