Қанлыкөлде жаслар ушын бос жумыс орынлары ярмаркасы өткерилди

Өзбекстан Республикасы бәнтлик ҳәм мийнет мүнәсибетлери министрлиги ҳәм Қарақалпақстан Республикасы Қанлыкөл районы ҳәкимлиги ҳәм Өзбекстан Жаслар аўқамы районлық Кеңеси тәрепинен районымыз жаслары ушын «Жаслар – келешек қурыўшысы» атамасында  жас  исбилерменлер, өнерментлер ҳәм фермер хожалықлары тәрепинен ислеп шығарылған миллий өнимлер саўда көргизбеси ҳәм жасларды ҳәм жумысқа жарамлы майыплылығы бар жумыссызларды жаңа жумыс орынлары менен тәмийинлеў бойынша 2018-жыл 6-август күни Қанлыкөл районында мийнет ярмаркасы өткерилди. Бул ҳаққында район ҳәкимлиги хабар берди.

Ярмаркаға район аймағындағы 41 кәрхана, фермер хожалықлары ҳәм исбилерменлик субъектлери тәрепинен 118 бос жумыс орынлары ҳәм вакант лаўазымлары усыныс етилди.

Бос жумыс орынлары ярмаркасында 62 жумыссыз (53 жаслар, 28 ҳаял-қызлар) пуқаралар қатнасты. Мәмлекетлик кәрханалар тәрепинен усынылған бос жумыс орынларына 47 пуқараға (45 жаслар, 22 ҳаял-қызлар) жумысқа орналасыўы ушын жолламалар берилип,  жумыс бериўшилер менен шәртнамалар дүзилди.

Сондай-ақ, «Халықты жумыс пенен тәмийинлеў ҳаққында»ғы нызам талаплары тийкарында 15 жумыссыз пуқаралар тараў қәнийгелери тәрепинен коммерциялық банклерден жеңиллетилген кредитлер алыў, жумысқа орналасыў ўақтында норматив ҳүжжетлерди рәсмийлестириў, питкериўшилердиң ҳуқық ҳәм еркинликлери, ис ҳақы, мийнет дем алыслары бойынша толық мағлыўматлар алды.

 

Қанлыкөлде жаслар ушын бос жумыс орынлары ярмаркасы өткерилди

 

 

скачать dle 10.6фильмы бесплатно



  • 8-08-2018, 14:29 |
  • 78