Кадастр кеңсеси хызметкерлери ушын ипотека кредитлери тийкарында үй-жайлар қурылады

Ҳүкиметтиң 2018-жыл 4-июндағы қарары менен Жер ресурслары, геодезия, картография ҳәм мәмлекетлик кадастры мәмлекетлик комитети системасы хызметкерлери ушын узақ мүддетли ипотека кредитлерин тартқан ҳалда үй-жайлар қурыў дәстүри тастыйықланды.

Дәстүрге муўапық 2018-2019-жылларда жәми 335 үйлер қурылып, оларды қурыў аўыллық орынларда үлги жойбарлар тийкарында қалалардың инженерлик-коммуникация тармақларына жақын жайласқан аймақларда 0,06 гектар, арзан түрдеги үй-жайлар ушын 0,02 гектар ҳәмде еки қабатлы 4 ханалы бирлестирилген үй-жайлар 0,04 гектар жер майданында әмелге асырылады.

Қарарға муўапық “Қишлоққурилишбанк” АКБ ҳәм басқа коммерциялық банклерине үй-жайлар қурылыўы ушын 3 жыллық жеңилликли дәўирди есапқа алған ҳалда 15 жыл мүддетке қайта финансластырыў ставкасы муғдарында ипотека кредитлери бериў усынылады.

Үй-жайлар сатып алыў ушын басланғыш төлем 0,06 гектар жер майданындағы үй-жайлар ҳәм 0,04 гектар жер майданындағы арзан түрдеги еки қабатлы 4 ханалы бирлестирилген үй-жайлар ушын- 25 процент, 0,02 гектар жер майдандағы арзан түрдеги үй-жайлар ушын 15 процентти қурайды.

Усы мүнәсибет пенен Жер ресруслары, геодезия, картография ҳәм мәмлекетлик кадастр комитетине 10 күн мүддетте үй-жайға ямаса турақ жай шәраятын жақсылаўға мүтәж хызметкерлерге үй-жай бериў тәртиби ҳаққындағы режени ислеп шығыў ҳәм Министрлер Кабинетиниң Аўыл ҳәм суў хожалығы, аўыл хожалығы ҳәм азық-аўқат өнимлериниң қайта ислеў комплекси баслығы менен келискен ҳалда тастыйықлаў тапсырылды.

Дерек:  Ҳуқықый мәлимлеме

скачать dle 10.6фильмы бесплатно



  • 5-06-2018, 11:34 |
  • 228