Өзбекстанда жыл ақырына шекем интернет тезлиги 10 есе асады

Өзбектанда жыл ақырына шекем сыртқы интернет каналы тезлиги 1,2 Терабит секунтқа жеткериледи. Бул ҳаққында “Кабинет” арнаӯлы жойбары шеңберинде, Өзбекстан информациялық технологиялар ҳәм коммуникацияларды раӯаландырыӯ министири Азим Ахметхожаев хабар берди, деп жазады Asr.uz.

“Биз Өзбекстан интернет каналы тезлигин бүгинги 160 Гбит/секунттан кеминде 1,2 Тбит/секунтқа жеткермекшимиз. Бул тезлик кеминде 10 есе асады дегени. Биз бул ӯазыйпаны жыл ақырына шекем әмелге асырыӯды режелестирдик, бирақ бул оннан алдын да әмеле асыӯы мүмкин, себеби биз буның ушын барлық күшимизди жумсамақтамыз”, - дейди министр.

Ахметхожаевтың айтыӯына қарағанда, министирлик тәрепинен қысқа ӯақыт ишинде телекоммуникациялар тараӯындағы заманагөй тренд ҳәм технологияларды жақсы түсинетуғын тәжирийбели шет ел қәнигелер топары бириктирилген.

“Ҳәзирги ӯақытта Өзбекстанда 20дан аслам шет ел қәнигелери республиканың интернет имканиятларын кеңейтиӯ менен шуғылланбақта. Соның менен бирге, 10нан аслам қәнигелер информациялық-коммуникация технологияларын раӯажландырыӯдың  басқа имканиятларын, сол қатарда, почта хызметин раӯажландырыӯ менен шуғылланбақта”, - деди Ахметхожаев.

Өзбекстан Президенти  Шавкат Мирзиёев ИКТ тараӯын раӯажландырыӯға қаратылған мәжилисте интернет баҳасын  түсирип, тезлигин кеминде 4 есеге асырып 2020- жылға шекем ҒМДАның басқа мәмлекетлери дәрежесине жеткериӯди тапсырған еди.

Статистикалық мағлыӯматларға тыйкарланатуғын болсақ, бүгинги күнде Өзбекстанда интернет тезлиги ҒМДАның басқа мәмлекетлерине қарағанда 10 есе төмен. Сондай-ақ, жергиликли байланыс операторлары усынып атырған байланыс хызметлери сапасына да (әсиресе, автомобиль ҳәм темир жоллары өткен аймақларда)  жетерлише итибар берилмей атыр.

Аӯдарма: makan.uz

скачать dle 10.6фильмы бесплатно



  • 18-04-2018, 10:42 |
  • 209