ХБО ҳәм ири мәмлекетлик кәрханалар сап пайдасының 10 процентин инновациялық искерликти қаржыландырыўға жумсаўы керек

Хожалық басқарыў органлары (ХБО) ҳәм ири мәмлекетлик кәрханаларындағы Инновациялық искерликти қоллап-қуўатлаў фонды ҳаққындағы Үлги Реже тастыйықланды (Министрлер Кабинетиниң 12.03.2018 жыл 195-сан қарары). Бул ҳаққында Әдиллик министрлиги @huqiqiymalimleme каналында хабар берди.

Үлги Режеге тийкар хожалық басқарыў органлары ҳәм ири мәмлекетлик кәрханалары Фонд ушын ажыратылатуғын қаржылары оған хызмет көрсетиўши коммерциалық банклеринен биринде ашылатуғын арнаўлы есап бетинде топланады.

Фонд қаржылары төмендеги мақсетлерде жумсалады:

- жаңа техника ҳәм технологияларды ислеп шығыў, зәрүр тәжирийбе-санаат сынаўларын өткериў;

- илимий-изертлеў ҳәм жоқары оқыў орынлары менен илимий-изертлеў жумысларын орынлаў бойынша дүзилген шәртнамаларды қаржыландырыў;

- илимий-изертлеў ҳәм жоқары оқыў орынларының материаллық-техникалық ҳәм илимий-лаборатория базасын беккемлеў, илимий-техникалық хызметкерлерди материаллық хошаметлеў ҳәм маманлығын асырыўда финанслық қоллап-қуўатлаў.

Фондтың усы жылда пайдаланылмаған қаржылары қайтарып алынбайды ҳәм келесиде пайдаланыў ушын хожалық басқарыў органлары ҳәм ири мәмлекетлик кәрханаларының арнаўлы есап бетинде сақланады.

Ҳүжжеттиң толық тексти менен  www.lex.uz  арқалы танысыўыңыз мүмкин.

скачать dle 10.6фильмы бесплатно



  • 14-03-2018, 15:47 |
  • 102