Өзбекстан Роғун ГЭСи қурылысында қатнасыўға таяр екенлиги билдирилди

 Өзбекстан Роғун ГЭСи қурылысында қатнасыўға таяр екенлиги билдирилди

 Фото: Sputnik

Өзбекстан Тәжикстанда қурылып атырған Роғун ГЭСи қурылысында қатнасыўға таяр. Бул еки мәмлекет Президентлери тастыйықлаған Дослық ҳәм татыў қоңсы-қобалықты беккемлеў ҳаққындағы қоспа баянатта өз сәўлесин тапқан, деп хабар берди daryo.uz.

«Тәреплер суў ресурсларынан ақылға уғрас ҳәм әдил пайдаланыў тараўында аймақлық шерикшиликти раўажландырыўдан өз-ара мәпли екенлигин билдирди ҳәм Орайлық Азия ушын суў-энергетика машқалаларын шешиўде бар ҳәм қурылып атырған гидроэнергетикалық объектлер жүдә әҳмийетке ийе екенин атап өтти.

Сол мүнәсибет пенен Өзбекстан тәрепи Тәжикстан Республикасында гидротехникалық объектлер, сол қатары, Роғун гидроэлектр станциясының қурылысында улыўма белгиленген халық аралық нормалар ҳәм бул объектлерди қурыў бойынша стандартларға әмел етилиўин есапқа алған ҳалда қатнасыў имканиятын ҳәр тәреплеме көрип шығыўға таяр екенин билдирди», - делинген ҳүжжетте.

Тәреплер Ташкентте Орайлық Азия халық аралық экологиялық форумы (2018-жыл, 5-8-июнь) ҳәм Душанбеде «Суў турақлы раўажланыў ушын» халық аралық ҳәрекетлер 10 жыллығы бойынша жоқары дәрежедеги халық аралық конференция (2018-жыл, 20-22-июнь) өткерилиўин мақтаныш пенен айтты.

Еслетип өтемиз, Италияның Salini Impregilo компаниясы баслығы Пиетро Салини Тәжикстан ел басшысы Эмомали Раҳмонға Роғун ГЭСиниң биринши агрегаты 2018-жылдың 16-ноябрь күни пайдаланыўға тапсырылыўын ўәде еткен еди.

 

Аўдарма: makan.uz

 

скачать dle 10.6фильмы бесплатно



  • 12-03-2018, 10:30 |
  • 226