Қарақалпақстанда шөлкемлестирилетуғын киши санаат зоналары 2020-жылдың 1-февралына шекем жер салығы төлеўден азат етиледи

Қарақалпақстан Республикасында киши санаат зоналарын шөлкемлестириў ис-иләжлары ҳаққындағы Президент қарары қабыл етилди.

Қарарға тийкар Әмиўдәрья, Хожели, Шымбай, Қоңырат, Беруний ҳәм Тахиатас районларында пайдаланылмай атырған ислеп шығарыў майданлары ҳәм бос турған объектлер негизинде киши санаат зоналары шөлкемлестириледи. Бул ҳаққында Әдиллик министрлиги «Ҳуқықый мәлимлеме» каналында хабар берди.

Киши санаат зоналары аймағындағы исбилерменлик субъектлерине:

- мәмлекетлик көшпес мүлки объектлери жойбарларын әмелге асырыў ҳаққындағы келисимлерди орынлаў ҳәмде бәрше салықлар ҳәм басқа мәжбүрий төлемлерди өз ўақтында төлеў шәрти менен кейинала мүлк ҳуқықы берилген ҳалда 5 жыллық узақ мүддетли ижараға бериледи;

- мәмлекетлик көшпес мүлкинен пайдаланыў ушын ижара төлеминиң «ноль» ставкасы белгиленеди;

- 2020-жылдың 1-февралына шекем жер салығы төлеўден азат етиледи.

Усы киши зоналарда әмелге асырылатуғын инвестиция жойбарларын қаржыландырыў ушын 75 млн. АҚШ доллары муғдарында кредит линиялары ашылмақта.

скачать dle 10.6фильмы бесплатно



  • 9-03-2018, 15:01 |
  • 254