Өзбекстанның мийнет мигрантларына жеңилликлер жаратылады

Өзбекстан Республикасы пуқараларының ўақтынша мийнет искерлигин әмелге асырыў ушын республикадан шетке транспортта шығыў ўақтында қәўипсизлигин тәминлеў ис-иләжлары ҳаққындағы Президент қарары қабыл етилди. Бул ҳаққында Әдиллик министрлигиниң «Ҳуқықый мәлимлеме» каналында хабар берилди.

Қарарға тийкар:

- 2018-жыл 1-майына шекем- ўақтынша мийнет искерлигин әмелге асырыў ушын пуқаралар көп баратуғын Россия ҳәм Қазақстан аймақлары ҳәм қалаларына жаңа темир жол жөнелислерин енгизиў; 

- 2018-жыл 1-июнге шекем - ўақтынша мийнет искерлигин әмелге асырыў ушын республикадан шетке шығып атырған пуқаралар тәрепинен талап көп болған жөнелислерде жаңа жолаўшы поезъдларды қойыў ҳәмде плацкарт ҳәм улыўма вагонлар санын көбейтиў;

- 2018-жыл 1-июлге шекем-ўақтынша мийнет искерлигин әмелге асырыў ушын республикадан шетке шығып атырған пуқараларды тасыў ушын зәрүр болғанда сырт ел темир жол компанияларының республика аймағына кириўин, Өзбекстан аймақлық темир жол линияларынан Россия Федерациясы ҳәм Қазақстан Республикасы станцияларына шекем жолаўшы тасыўын нәзерде тутқан ҳалда, тәмийинлеў;

 - 2018-жылдың 1-майына шекем - Министрлер Кабинетине «Өзбекстан ҳаўа жоллары» МАК жанында төменлетилген тарифлерде тасыўшы, кембюджетли авиакомпания (лоукостер) шөлкемлестириў ҳаққында усынысларды киргизиў нәзерде тутылған.

✅Сыртқы мийнет миграциясы агентлиги электрон мағлыўматлар базасына дизимге алынған ўақтынша мийнет искерлигин әмелге асырыў ушын республикадан шетке шығып атырған пуқараларға төмендеги жеңилликлер берилмекте:

 - 2018-жыл 1-апрелден пуқараларға плацкарт ҳәм улыўма вагонларға темир жол билетлери ҳәмде экономикалық (эконом) класс авиабилетлер баҳаларына 20 пайыз шекем шегирме;

 - ҳәр бир пуқараға темир жол ҳәм авиабилет сатып алыў қәрежетлерин бир бөлегин қаплаў ушын 300 мың сум муғдарында ғәрезсиз төлем (бир жылда бир рет).

Қарарда ўақтынша мийнет искерлигин әмелге асырыў ушын республикадан шетке шығып кетип атырған пуқаралар ушын төмендегилерди өз ишине алған банк ҳәм қамсызландырыў хызметлерин көрсетиў нәзерде тутылған:

 - АК “Алоқабанк”тың әпиўайыластырылған ашыў шәртлери менен «VISA-migrant» пластик карталарын енгизиў ҳәмде АК «Ипотека банк» тәрепинен ўақтынша мийнет искерлигин әмелге асырыў ушын республикадан тысқарыға шығып атырған пуқараларға 1000 АҚШ доллары эквивалентинде кредит ажратыў;

 - “Ўзагросуғурта” АЖ  тәрепинен Россия Федерациясына ўақтынша мийнет искерлигин әмелге асырыў ушын кетип атырған пуқараларды комплекс қамсызландырыў қорғаў бойынша Россияда өз ўәкилханаларын ашыў, жеңилликли тарифлер бойынша пуқаралардың өмири ҳәм ден саўлығын қамсызландырыўды рәсмийлестириў.

Ҳужжет ҳақкында косымша мағлыўмат бериледи.

 

скачать dle 10.6фильмы бесплатно



  • 7-03-2018, 15:34 |
  • 368