Президент қарары: ислеп атырған пенсионер шыпакерлер пенсиясын толық көлемде алады

2018-жыл 1-январьдан баслап медициналық мекемелердиң пенсионер шыпакерлери, мүлкшилик формасынан бийғәрез, пенсияны толық көлемде алады. Бул Өзбекистан Республикасы Президентиниң «Жеке медицина шөлкемлерин еле де раўажландырыў бойынша қосымша шәратяларды жаратыў ҳаққында»ғы қарары менен белгилеп берилди. Қарар 29-декабрь күни тастыйықланды.

Қарар ден саўлықты сақлаў системасының жеке секторын еле де раўажландырыўды хошаметлеў, медицина хызметшилерин таярлаў, қайта таярлаў ҳәм қәнигелигин асырыў ушын шәраятларын жақсылаў, сондай-ақ, көрсетилип атырған медициналық хызметлер көлемин еле де кеңейтиў, жеке медицинаға  инвестицияларды тартыў мақсетинде тастыйықланды.

Ҳүжжет пенен Ден саўлықты сақлаў министрлиги ҳәм Финанс министрлигиниң исбилерменлик субъектлерине мәмлекет-жеке шерикшилик тийкарында мәмлекет мекемелериниң функцияларын төмендегилер бойынша бериў ҳаққындағы усынысы мақулланды:

Қосымша бөлимлер искерлигин тәмийинлеў (азық-аўқат блоклары, кир жуўыў орынлары ҳәм басқалар);

Ден саўлықты сақлаў министрлиги менен дизими анықланыўшы бөлек медициналық хызметлерди көрсетиў.

Сондай-ақ, Корея Республикасының медицина орайлары ҳәм жоқары билимлендириў мекемелери менен биргеликте “AKFA MEDLINE” ЖШЖ жеке клиникасы тийкарында жеке медицина мекемелерин раўажлантырыў ҳәм жергиликли медицина кадрлары тәжирийбесин арттырыў Орайын шөлкемлестириў нәзерде тутылмақта.

Қарарға муўапық, Корея Республикасының алдағы клиникалары ҳәм медицина орайларының диагностика, емлеў, сервис ҳәм менеджмент мәселелери бойынша хызмет көрсетиў бойынша тәжирийбесин үйрениў ҳәм мәмлекет медицинасына енгизиў ушын олар менен шерикшилик жолға қойылады.

Буннан тысқары, 2018-жылдың 1-январынан баслап медицина мекемелериниң пенсионер шыпакерлери, мүлкшилик формасынан бийғәрез, пенсия толық көлемде алады.

 

Аўдарма: makan.uz

скачать dle 10.6фильмы бесплатно



  • 30-12-2017, 10:52 |
  • 408