Шавкат Мирзиёев 22-25-ноябрь күнлери Корея Республикасында болады

 

Шавкат Мирзиёев 22-25-ноябрь күнлери Корея Республикасында болады

 

Өзбекистан Республикасы Президенти Шавкат Мирзиёев Президент Мун Чжэ Инниң мирәтине бола 2017-жыл 22-25-ноябрь күнлери мәмлекетлик сапар менен Корея Республикасында болады, деп хабар берди president.uz.

Жоқары дәрежедеги сөйлесиўлерде өз-ара шерикшиликтиң кең көлемли мәселелери, сиясий, саўда-экономикалық, финанс-инвестициялық, илимий-техникалық, мәдений-гуманитар ҳәм басқа тараўлардағы мәмлекетлер аралық байланысларды еле де раўажландырыў келешегин додалаў, аймақлық ҳәм халық аралық машқалалар бойынша пикир алмасыў нәзерде тутылған.

Мәмлекетимиз Президенти сондай-ақ, Миллий Ассамблея Спикери ҳәм Корея Республикасы Бас министри менен ушырасады, еки мәмлекеттиң жетекши экономикалық ҳәм финанслық дүзилмелери баслықлары қатнасыўындағы Өзбекистан-Қубла Корея бизнес форумында қатнасады.

Сапар жуўмақлары бойынша Өзбекистан Республикасы ҳәм Корея Республикасы Президентлериниң Стратегиялық шерикшиликти ҳәр тәреплеме раўажландырыў ҳаққындағы қоспа баянаты қабылланыўы, сондай-ақ, түрли тараўлардағы өз-ара мәпли шерикшиликти беккемлеў ҳәм кеңейтиўге байланыслы көплеген ҳүкиметлер аралық ҳәм мекемелер аралық ҳүжжетлер, коммерциялық келисимлери ҳәм шәртнамалары тастыйықланыўы күтилмекте.

 

Фото: president.uz

скачать dle 10.6фильмы бесплатно



  • 18-11-2017, 12:49 |
  • 142