Шымбайда исбилерменлер өз ўәкили менен ушырасты

 Шымбайда исбилерменлер өз ўәкили менен ушырасты

Шымбай районы ҳәкимиятының мәжилислер залында исбилерменлик субъектлериниң  еркин жумыс алып барыўын тәмийинлеў, ҳуқықый билимлерин жетилистириў ҳәм оларға шараятлар жаратып бериў бойынша жыйналыс болып өтти. Бул ҳаққында район ҳәкимлигиниң рәсмий сайты хабар берди.

Жыйналысқа Өзбекистан Республикасы Президенти жанындағы Исбилерменлик субъектлериниң ҳуқықый ҳәм нызамлы мәплерин қорғаў бойынша ўәкили, Қарақалпақстан Республикасы Министрлер Кеңесинен, Өзбекистан Саўда-санаат палатасы Қарақалпақстан Республикасы басқармасы, район ҳәкимлиги, прокуратура, ишки ислер бөлими, мәмлекетлик салық инспекциясы, төрт сектор басшылары, райондағы коммерциялық банклер, «Бир айна» ҳәм исбилерменликке көмеклесиў орайлары, кадастр, архитектура, статистика, ра­йонлық электр тәмийинлеўши кәрханасы, газ тәмийинаты участькасы, суў тармақлары басқармасы ҳәм исбилерменлер қатнасты.

Шымбайда исбилерменлер өз ўәкили менен ушырасты

 

Илажды Қарақалпақстан Республикасы Министрлер Кеңеси баслығының орынбасары М.Алеўов ашты ҳәм басқарып барды.

Онда Өзбекистан Республикасы Президенти жанындағы ис билерменлик субъектлери ҳуқықлары ҳәм нызамлы мәплерин қорғаў бойынша ўәкили Д.Қосимов шығып сөйлеп, тараўдағы жаңа өзгерислер жөнинде исбилерменлерге кең түрде түсиник берди.

Мәжилисте салық инспекциясы, коммерциялық банк басшылары, исбилерменликти қоллап-қуўатлаў бойынша исленип атырған жумыслары бойынша мағлыўматлар берди. Сондай-ақ, өз гезегинде исбилерменлер сөзге шығып, тараў басшыларына өзлерин қызықтыр­ған мәселелери бойынша сораўларын берип, оған  тийисли жуўапларын алды.

Илажға район ҳәкими О.Қазақбаев қатнасты.

скачать dle 10.6фильмы бесплатно



  • 9-11-2017, 10:44 |
  • 572