Cтамбулда 3,5 млрд долларлық келисимлер тастыйықланды

Cтамбулда 3,5 млрд долларлық келисимлер тастыйықланды

Өзбекистан Республикасы Президенти Шавкат Мирзиёев Туркия Республикасы Президенти Ражаб Тоййиб Эрдўғанның мирәтине муўапық 2017-жыл 25-26-октябрь күнлери мәмлекетлик сапар менен Туркияда болды.

Президенттиң рәсмий сайты хабар бериўинше, Шавкат Мирзиёев 26-октябрь күни Cтамбулға келди. Ол жерде Өзбекистан Республикасы Президенти ҳәм Туркия Республикасы бас министри Бинали Йилдирим қатнасыўында еки мәмлекет финанс ҳәм исбилермен шеңберлери ушырасыўы болып өтти.

26-октябрь күни Стамбулда өткерилген еки мәмлекет исбилермен шеңберлери бизнес-форумында ири энергетика объектлери ҳәм жол инфраструктураларын қурыў, тоқымашылық өнимлери, электр үскенелери, қурылыс материалларын ислеп шығарыў, азық-аўқат ҳәм агросанаат тармағында заманагөй санаат ҳәм логистика орайларын шөлкемлестириў тараўларында 3,5 млрд долларлық 30 дан артық жойбар бойынша келисимлер тастыйықланды.

Президент жақын жылларда Өзбекистан менен Туркия ортасындағы товар алмасыў көлемин 3-4 млрд долларға жеткериў бойынша келисимге ерисилгени, бул еки мәмлекет исбилерменлери ушын кең имканиятлар жаратыўын атап өтти.

скачать dle 10.6фильмы бесплатно



  • 27-10-2017, 09:40 |
  • 202