Конфискацияланған мал-мүлк тек ғана онлайн-аукционларда сатылады

2017-жылдың 1-сентябринен баслап конфискацияланған мал-мүлклерди сатыў бойынша ғалаба саўдалар E-Ijro Auksion бирден-бир электрон саўда майданшасында электрон онлайн-аукцион формасында алып барылады. Бул Өзбекистан Республикасы Президентиниң 27-июльдеги «Суд ҳүжжетлери ҳәм басқа органлар ҳүжжетлерин орынлаўда мал-мүлкти реализация қылыў тәртип-қағыйдаларын түпкиликли жетилистириў ис-илажлары ҳаққында»ғы қарарында нәзерде тутылған.

Ҳүжжетте берилген рәсмий түсиникте айтылыўынша, өткерилген анализ орынлаў жумысын жүритиўде коррупциялық қәўип-қәтерлерди өз ишине алған, нызамлардың бузылыўы ҳәм пуқаралардың тийкарлы наразылығына себеп болып атырған айырым механизмлер елеге шекем сақланып киятырғанын көрсеткен.

Суд қарарларын орынлаў шеңберинде шөлкемлестирилип атырған ғалаба саўдалар заманагөй талапларға жуўап бермейди ҳәм конфискацияланған мал-мүлктиң алды-сатты базарын монополияластырыўға, баҳа бойынша манипуляцияларға ҳәм басқа коррупцияға байланыслы ҳуқықбузарлыққа шараят жаратқан.

Аукцион өткериў ҳаққындағы хабарнамаларды тек ғана баспа басылымларда басып шығарыў, аукционларға қатнасыўға жазба түрде жеке берилетуғын арзалар тийкарында қойыўды нәзерде тутыўшы ғалаба саўдаларды шөлкемлестириўдиң дәстүрий усыллары инсапсыз саўда шөлкемлестириўшилери тәрепинен потенциаллы қарыйдарлардың аукционда қатнасыўын шеклеў, мал-мүлкти төмен баҳаларда сатыў ушын өтирик аукционларды өткериўге ҳәм басқа пайдаланып қалыўшылыққа жол ашып берген.

Ҳуқықты қоллаў әмелиятындағы жоқарыда көрсетилген кемшиликлер сатыўға шығарылған мал-мүлкти бир неше мәртебе арзанластырыўға, мал-мүлкти сатыў процесслериниң созылып кетиўине алып келген ҳәм соның нәтийжесинде суд қарарларының өз ўақтында ҳәм толық орынланыўына имкан бермеген.

Қарарға муўапық, 2017-жыл 1-сентябрьден баслап конфискацияланған мал-мүлкти сатыў бойынша ғала саўдалар тек ғана «E-IJRO AUKSION» электрон саўда майданшасында электрон онлайн-аукционлар формасында өткериледи.

Электрон онлайн-аукционлар Интернет тармағы арқалы арзаларды қабыллаў ҳәм жеңимпазды анықлаў процесслерине ҳәр қандай араласыўға жол қоймайтуғын арнаўлы дәстүрий комплекстен пайдаланған ҳалда шөлкемлестириледи ҳәм өткериледи.

Электрон онлайн-аукционларға электрон санлы имза менен тастыйықланған электрон арзаны Интернет тармағы арқалы берген ҳәм мал-мүлк баҳаланған қунының 5% муғдарындағы депозит пулын төлеген шахслар қойылады.

Электрон санлы имзаға ийе болмаған қатнасыўшыларға оны Интернет тармағы арқалы буйыртпа қылыў имканы жаратылады.

Электрон онлайн-аукционлар ҳәр күни саат 9.00 ден 18.00 ге шекем өткериледи.

Буннан тысқары, қарар менен Бюро жанында «Электрон онлайн аукционларды шөлкемлестириў бойынша орай» мәмлекет унитар кәрханасы шөлкемлестириледи ҳәм ол «E-IJRO AUKSION» бирден-бир электрон саўда майданшасында электрон онлайн-аукционларды шөлкемлестириў ҳәм өткериўге ўәкилликли оператор есапланады.

 

Қарардың толық тексти менен president.uz таныссаңыз болады.

 

Фото: «Газета.uz»

скачать dle 10.6фильмы бесплатно



  • 29-07-2017, 18:41 |
  • 524