Жергиликли ислеп шығарыўшыларға тағы бир қолайлық

Жергиликли ислеп шығарыўшыларға тағы бир қолайлық

 

Исбилерменлик ҳәрекетин ҳуқықый жақтан қорғаў, тараўды раўажландырыў жолында ҳәр қандай нызамсыз жағдайлардың алдын алыўда бажыхана тараўы хызметкерлерине де жуўапкершиликли ўазыйпалар жүкленген.

Атап айтқанда, елимиз экономика тармақлары ҳәм аймақлардың экспорт мүмкиншиликлерин еле де кеңейтиўди хошаметлеў, өндирис кәрханалары тәрепинен ең дәслеп киши бизнес ҳәм жеке исбилерменлик субъектлерине өзлери таярлаған товарлардың экс­порт көлемин асырыў, экспортқа шығарыў география­сын диверсификациялаў ушын қолай шараятлар жаратыў, сондай-ақ, сыртқы базарларда жергиликли экс­портқа жеткерип бериўши мәкемелер өнимлериниң бәсекилеслигин асырыўда Өзбекистан Республикасы Президентиниң 2017-жыл 23-майдағы «Сыртқы базарларда жергиликли өнимлердиң экспорт етилиўи ҳәм бәсекиге шыдамлылығын тәмийинлеўди және де хошаметлеў ис-илажлары ҳақ­қында»ғы Пәрманы тараўда жумыслар алға илгерилеўине унамлы нәтийжесин тийгизиўине исенемиз.

Жаңадан қабыл етилген пәрманға муўапық хожалық субъектлерине усы жылдың 1-июнь сәнесинен баслап төмендеги ҳуқықлар берилди:

өзлери таярлаған товарларды экспортқа шығарыў,жетистирилген мийўе, овощ өнимлери, жүзим, палыз егинлеринен, буннан тысқары, Өзбекистан Республикасы Президентиниң 1997-жыл 10-октябрьдеги «Товарлар (жумыслар, хызметлер) экспортын хошаметлеў бойынша қосымша ис-илажлар ҳаққында»ғы Пәрманының екинши қосымшасында көрсетилген шийки зат товарларынан басқа, шет ел валютасында алдыннан төлемсиз, аккредитив ашпастан, банк гиреўин рәсмийлестирместен ҳәм де экспорт шәртнамаларын сиясий ҳәм коммерция­лық қәўиплерден қамсызландырыў полисисиз  әмелге асырыўда белгиленген шәртлерге муўапық жүргизиў талап етиледи:

Шәртнама муғдары 100 мың АҚШ доллары эквивалентинен аспаў кереклиги:

Товарлар экспортқа шығарылған күннен баслап 90 күн ишинде мәжбүрий валюта түсиминиң келип түсиўин тәмийинлеўи лазымлығы:

Өзлери таярлаған товарлардың кейинги экспорты усы қосымша бәнтиниң шәртлерине муўапық экспорт етиўши мәкемениң алдын дебиторлық қарызы болмаған жағдайда әмелге асырылыўына рухсат берилетуғынлығы көрсетип өтилген.

Мәмлекетимизде мийўе, овощ, палыз егинлеринен мол өнимлер жетистирип базарларымызды толтырып атырған бағман ҳәм дийқанларымыз аўысқан өнимлерин экспортқа шығарып атыр. Ал, пәрмандағы бажыхана ҳүжжетлерин рәсмийлестириўдеги жеңилликлер, аўыл-хожалығы өнимлериниң сапасы бузылмай сырт еллерге экспортқа шығарылыўына қолайлылық туўдырмақта.

 

Р.ЕЩАНОВ,

«Нөкис» ТИФ бажыхана посты инспекторы,

бажыхана хызмети аға лейтенанты

 

Дерек: erkinkarakalpak.uz

 

скачать dle 10.6фильмы бесплатно



  • 18-07-2017, 15:19 |
  • 330