«Жүзимбақ»тың  «Қос-қала» елатына суў тармағы тартылды

«ЭКОСАН» экология ҳәм саламатлық халықаралық қайырқомлық жәмийетлик фондының Қарақалпақстан аймақлық шөлкеми тәрепинен қаўендерлик жәрдем есабында 2017-«Халық пенен пикирлесиў ҳәм инсан мәплери жылы» Мәмлекетлик бағдарламасында белгиленген ўазыйпаларды әмелге асырыў мақсетинде, 2017-жылы Кегейли районындағы «Жүзимбақ» аўыл пуқаралар жыйыны аймағындағы «Қос-қала» елатлы пунктине 900 метр узынлықтағы суў тармағын жаңадан қурыў ушын улыўма 42,8 млн сумлық пилот жойбар ислеп шығылып объект усы жылдың 28-июнь күни толығы менен пайдаланыўға тапсырылды. Нәтийжеде «Жүзимбақ» аўыл пуқаралар жыйынындағы «Қос-қала» елатлы пунктинде жасаўшы 20 хожалықтан 120 адам таза ишимлик суў менен тәмийнленди.

Усы жойбар «Қаттағар қубыр қурылыс» сынар кәрханасы тәрепинен ислеп питкерилди.

Объекттиң салтанатлы ашылыў мәресимине «ЭКОСАН» экология ҳәм саламатлық халықаралық қайырқомлық жәмийетлик фондының Қарақалпақстан аймақлық шөлкеми директоры Нурлыбек Мырзамуратов, Кегейли районы ҳәкиминиң орынбасары Камил Алланазаров, Кегейли районлық «Нураний» қоры баслығы Бердибай Саманов, Кегейли районы суў тармағы мекемесиниң баслығы Рафатдин Есемуратов, Кегейли районы «Жүзимбақ» аўыл пуқаралар жыйыны баслығы Айбек Аўезов, «Қаттағар қубыр қурылыс» сынар кәрханасы баслығы Есен Караматдиновлар қатнасты.

скачать dle 10.6фильмы бесплатно



  • 17-07-2017, 15:24 |
  • 383