Қарақалпақстанның бес районында ашылатуғын жаңа микрофирмалар 10 жылға бирден бир салық төлеминен азат етилди

 

Қарақалпақстанның бес районында ашылатуғын жаңа микрофирмалар 10 жылға бирден бир салық төлеминен азат етилди

 

Kun.uz басылымының хабар бериўинше 2017-жылдың усы күнине шекем исбилерменлик орталығын түпкиликли жақсылаў, исбилерменлик субъектлери жумысы ушын максимал дәрежеде қолайлы шәраятларды жаратыў мақсетинде 3 Өзбекистан Республикасы Нызамы, 20 дан артық Өзбекистан Республикасы Президенти Пәрманы ҳәм Қарарлары және 25 Министрлер Кабинетиниң қарарлары қабылланды.

Соның менен бирге, Өзбекистан Республикасы Президентиниң 01.02.2017-жылдағы «Исбилерменлик субъектлерине мәмлекет хызметлерин көрсетиў механизмлерин жетилистириўге байланыслы қосымша илажлар ҳаққында»ғы қарарына муўапық, 2017-жылда тек ғана «бир айна» орайлары арқалы көрсетилетуғын қосымша мәмлекет хызметлери саны 18 ге көбейип, олардың санын 2018-2020-жылларда басқышпа-басқыш енгизиў арқалы және 68 ге жеткериў нәзерде тутылған.

Бул қарарға муўапық, рухсатнама ҳәм лицензиялар ҳаққындағы мағлыўматларды «Лицензия» мәлимлеме системалары комплекси шеңберинде алыў имканын жаратады. «Бир айна» орайлары арқалы қағаз формасында берилетуғын арнаўлы бланкалардағы рухсатнама ҳәм лицензияларды мәжбүрий рәсмийлестириў талабы болса 2018-жыл 1-январьдан баслап бийкарланады.

Исбилерменлик орталығын қәлиплестириў, киши бизнес ҳәм жеке исбилерменликти ҳәр тәреплеме қоллап-қуўатлаў ҳәм раўажландырыўды еле де күшейтиў бағдарында әмелге асырылған илажлар 2017-жылдың 1-шерегинде 13,6 мың жаңа киши бизнес субъектин дүзиў имканын берди. Бул көрсеткиш 2016-жылдың усы дәўирине салыстырғанда 1,6 есеге көп.

Нәтийжеде 2017-жылдың 1-шерегинде киши бизнестиң улыўма ишки өнимдеги үлеси 44,9% ке (2016-жылдың усы дәўиринде 43,1% болған), санаатта 41,6% (37,3%) ҳәм бәнтликте 77,7 % ке шекем  (77,4%) көбейди.

Өзбекистан Республикасы Президентиниң 18.01.2017-жылдағы ПҚ-2731-санлы Қарарына муўапық, Қарақалпақстан Республикасының Мойнақ, Шоманай, Қанлыкөл, Тахтакөпир, Шымбай районлары ҳәм Хорезм ўалаятының Янгиариқ ҳәм Қўшкўпир районларында жаңа шөлкемлестирилетуғын микрофирмалар ҳәм киши кәрханалар 2017-жылдың 1-январына шекем бирден-бир салық төлемин төлеўден азат етилди.

Республикамыздың қалған районларында бул процесс 2022-жылдың 1-январына шекем даўам етеди.

Сондай-ақ, фармацевтика товарларын ҳәм препаратлары, электротехника өнимлери, қурылыс материаллары ислеп шығарыўға қәнийгелестирилген юридикалық шахслар 2017-жылдың 1-апрелинен 2022-жылдың 1-январына шекем мүлк ҳәм жер салықлары, абаданластырыў ҳәм социаллық инфрадүзилмени раўажландырыў салығы, жол фондының мәжбүрий ажыратпаларынан азат етиледи.

 Фото: UzReport

скачать dle 10.6фильмы бесплатно



  • 1-07-2017, 10:46 |
  • 432