Хожели районы прокуроры: Районда өткен дәўир ишинде 468 пуқараның бәнтлиги тәмийинленди

 

Хожели районы прокуроры: Районда өткен дәўир ишинде 468 пуқараның бәнтлиги тәмийинленди

 

Ҳүрметли Президентимиз Ш.Мирзиёевтиң басламасы менен ҳәр ҳәптениң «Пийшемби ­ жынаятшылықтың алдын алыў ҳәм профилактика күни» деп белгиленди.

Алып барылып атырған профилактикалық илажлар нәтийжесинде 2017-жылдың бес айында Хожели районы бойынша жүз берген жынаятлар өткен жылдың усы дәўири менен салыстырғанда 11 процентке кемейди. Соның менен бирге пуқаралардың бәнтлигин тәмийинлеў мақсетинде еки мәрте мийнет ярмаркалары шөлкемлестирилди. Бул мийнет ярмаркаларында жүз пуқараның бәнтлиги тәмийинленген болып, жумысқа орналасқанлардан 40ы жаслар, соның ишинде үшеўи колледж питкериўшилери ҳәм 22си ҳаял-қызлар болып табылады. Соның менен бирге, бәнтлик бағдарламасына тийкарланып районда усы жылда 3382 жумыс орынларын шөлкемлестириў режелестирилген болып, соннан 1451 жаңа жумыс орынлары дүзиледи.

Атап айтқанда, мәўсимлик жумыс орынларын жаратыўда ҳәм исбилерменлик субъектлери жумысын тиклеўге итибар қаратылып, жәми 468 пуқараның бәнтлиги тәмийинленди.  Усылар менен биргеликте Хожели районы прокуратурасы тәрепинен Ишки ислер бөлиминде Өзбекистан Республикасының «Ҳуқықбузарлықлар профилактикасы ҳаққында»ғы ҳәм «Физикалық ҳәм юридикалық шахслардың мүрәжатлары ҳаққында»ғы нызамлардың орынланыўы үйренилип, нызам бузылыўларын сапластырыў ҳаққында район ИИБ баслығы атына усыныс киргизилди, сондай-ақ, бир профилактика инспекторы интизамлы жуўапкершиликке тартылды ҳәм нызам бузылыўларын сапластырыў бойынша ис-илажлар белгиленди.

 

А.ИШАНҚУЛОВ,

Хожели районы прокуроры, 8 дәрежели юрист

 

Дерек: erkinkarakalpak.uz, фото: kun.uz

скачать dle 10.6фильмы бесплатно



  • 29-06-2017, 18:35 |
  • 370