Қарақалпақстанның барлық районларында исбилерменлерге арналған оқыў курслары өткерилмекте, оған қатнасыўға болады

 

Қарақалпақстанның барлық районларында исбилерменлерге арналған оқыў курслары өткерилмекте, оған қатнасыўға болады

 

Президентимиздиң 2017-жыл 18-апрель күни қабыл етилген «Өзбекистан Республикасы Меншиклестирилген кәрханаларға көмеклесиў ҳәм бәсекиликти раўажландырыў бойынша мәмлекетлик комитетин шөлкемлестириў ҳаққында»ғы Пәрманына муўапық Өзбекистан Республикасы Меншиклестириў, монополиядан шығарыў ҳәм бәсекиликти раўажландырыў бойынша мәмлекетлик комитети Өзбекистан Республикасы Меншиклестирилген кәрханаларға көмеклесиў ҳәм бәсекиликти раўажландырыў бойынша мәмлекетлик комитети болып қайта шөлкемлестирилди.

Пәрманда усы жылдың 1-июнинен баслап ҳәр бир районда меншиклестирилген объектлер тийкарында жойбарларды әмелге асырып атырған исбилерменлер ушын кәсип-өнер колледжлери имаратларында оқыў шынығыўлардан бос ўақытта оқыў курсларын шөлкемлестириў белгиленген.

Бул бойынша елимиздеги барлық қала ҳәм районларда исбилерменлер ушын оқыў курсларын өткериў кестелери тастыйықланды. Бундай оқыў курслары 5-июньда Нөкис қаласынан басланып, бүгинги күнге шекем пайтахтлы ҳәм хожелиши исбилерменлерге семинарлар өтилди. Бул ҳаққында Қарақалпақстан хабар агентлиги хабар бермекте.

19-июньда Шоманай районында басланған оқыў курсының дәслепки күнинде 15 исбилермен қатнасты.

Қарақалпақстан Республикасы меншиклестирилген кәрханаларға көмеклесиў ҳәм бәсекиликти раўажландырыў комитетиниң бас қәнийгеси Ибраҳим Бабажановтың makan.uz сайтына берген мағлыўматына қарағанда, оқыў курсларында тийисли мәмлекетлик уйымларынан бекитилген қәнийгелер тәрепинен исбилерменлерге әмелге асырылатуғын жумыслар ҳаққында түсиниклер бериледи. Соның менен бирге, исбилерменлер өзлериниң қызықтырған сораўларына қәнийгелер тәрепинен тийисли жуўапларын алады. Оқыў курслары тастыйықланған кестеге муўапық 1 ҳәпте даўам етеди. Оқыў курсы соңында исбилерменлерге тийисли сертификатлар берилиўи белгиленген.

Қосымша мағлыўматларды комитеттиң +998 61 222 30 60 телефон номерине қоңыраў етип алыўыңызға болады.

 

Фото: «socall.ru»

скачать dle 10.6фильмы бесплатно



  • 19-06-2017, 17:39 |
  • 314