Төрткүлде урлықтың көбейгени себепли таяныш пункти шөлкемлестирилип 136 бақлаў камералары орнатылды

 Төрткүлде урлықтың көбейгени себепли таяныш пункти шөлкемлестирилип 136 бақлаў камералары орнатылды

 Төрткүл районы прокуратурасы тәрепинен де жынаяттың келип шығыўын анықлаў ҳәм олардың алдын алыўға қаратылған илажлардың өткерилиўи және де күшейтилип, нәтийжели жумыслар әмелге асырылмақта. Анықлаўларға қарағанда, өткен жылы район бойынша улыўма жынаятшылық кескин көбейип кеткен. Бул ҳаққында Төрткүл районы прокуроры, әдиллик киши мәсләҳәтшиси Ө.Худайбергенов «Еркин Қарақалпақстан» газетасының рәсмий сайтындағы мағлыўматында хабар береди.

Жынаятлардың тийкарында урлық, басқыншылық, алдаўшылық, бийзарылық ҳәм адам өлими менен байланыслы болған жол ҳәрекети ҳәдийселери жүз бермекте. Пайда болып атырған ҳәр үш жынаят­тың биреўи урлық жынаятына туўра келип, бул жынаятлардың ең тийкары «Төрткүл саўда комплекси» әтирапында жүз берген. Атап айтқанда, ра­йон аймағында пайда болған жынаятлардың 19,3 проценти, усы жылғы жынаятлардың 13,5 процентин тиккелей арнаўлы кәсипке ийе болмаған, жумыссыз пуқаралар тәрепинен әмелге асырылған.

Сол себепли де, базар әтирапында жынаятлардың алдын алыў мақсетинде профилактикалық илажлар және де күшейтилип, районлық ИИБ қорғаў бөлими  жәмийет ортасында дүзилген шәртнама тийкарында еки пост, он еки хызметкерден ибарат таяныш пункти шөлкемлестирилип, 136 бақлаў камералары орнатылды.

Усы орында мәмлекетимиз Президенти Ш.Мир­зиёевтың пайда болып атырған жынаят­тың ақыбетлери менен гүресиў емес, бәлким, жынаяттың алдын алыў зәрүр, жынаят бирде-бир кәсипке ийе болмаған, жумыссыз пуқаралар тәрепинен исленеди, деп айтқан сөзлери қаншелли туўры екенлигин көриўимиз мүмкин. Сонлықтан, район прокуратурасы тәрепинен жумыссызлықты сапластырыў, пуқараларды жумысқа орналастырыў бойынша әмелий жәрдемлер көрсетилип, жыл басынан берли 32 пуқара жумыс­қа жайластырылған.

 

Дерек: erkinkarakalpak.uz, фото: «ptzgovorit»

скачать dle 10.6фильмы бесплатно



  • 15-06-2017, 15:07 |
  • 642