Қуўанышбай Оразымбетов: «НМПИ ға 48 млрд. сўм қаржы ажыратылады. 19 муғаллим шет елде тәжирийбе арттырады»

 

Қуўанышбай Оразымбетов: «НМПИ ға 48 млрд. сўм қаржы ажыратылады. 19 муғаллим шет елде тәжирийбе арттырады»

 

Әжинияз атындағы Нөкис мәмлекетлик педагогикалық институты ректоры, филология илимлериниң докторы, профессор Қуўанышбай Оразымбетов «Еркин Қарақалпақстан» газетасының рәсмий сайтында жәриялаған мақаласында Президент Шавкат Мирзиёевтиң усы жыл 20-апрельдеги «Жоқары билимлендириў системасын және де раўажландырыў ис-илажлары ҳаққында»ғы қарары бойынша белгиленген Бағдарламаның  Пед.институтқа бағышланған 35-қосымшасында оқыў имаратларын, cтудентлердиң турар жайлары, хабар-ресурс орайлары ҳәм басқа объектлерди жаңадан қурыў, реконструкциялаў ҳәм капитал ремонтлаў есабынан жаңа орынларды шөлкемлестириў, оқыў-лаборатория үскенелерин сатып алыў, аудиторияларды хабар-коммуникациялық қураллар менен тәмийинлеўге жәми 48 млрд. сўм муғдарында қаржы ажыратыл­ғанын мәлим етеди.

- Қарар тийкарында оқыў процесине халықаралық билимлендириў стандартларына тийкарланған ең заманагөй педагогикалық технологиялар, билимлендириў Бағдарламалары ҳәм оқыў-методикалық материалларды кең түрде енгизиў, илимий-педагогикалық искерликке жоқары маманлықтағы шет ел оқытыўшыларын ҳәм илимпазларын тартыў нәзерде тутылған. Мине, бул мәселеде институт тарийхында биринши рет, 2017-2021-оқыў жылының өзинде Қытайдың ең абырайлы оқыў орны есапланған Шығыс Қытай педагогикалық университетине ҳәм Москва мәмлекетлик педагогикалық университетине қәнигеликлерин асырыў ҳәм стажировкаға 17,  докторантура ҳәм магистратура басқышларында билим алып қайтыўы ушын 2 хызметкерлеримиздиң барыўы күтилмекте, - деп мағлыўмат береди мақалада.

 

Дерек: erkinkarakalpak.uz, фото: ndpi.uz

 

 

скачать dle 10.6фильмы бесплатно



  • 5-06-2017, 19:08 |
  • 781