Халықаралық таңлаў жеңимпазлары сыйлықланды

Мәмлекетимиз басшысының 2018-жыл 1-ноябрьдеги «Халықаралық бақсышылық көркем өнери фестивалын өткериў ҳаққында»ғы қарарына муўапық Термиз қаласында шөлкемлестирилген конференцияда дүньяның 74 мәмлекетинен 160 тан аслам қатнасыўшы ҳәм ЮНЕСКО, Ислам бирге ислесиў шөлкеминиң Билимлендириў, илим ҳәм мәденият мәселелери бойынша структурасы – ISESCO сыяқлы абырайлы халықаралық шөлкемлердиң ўәкиллери, сондай-ақ, Қырғызстан, Қазақстан, Тәжикстан, Түркменстан, Аўғанстан сыяқлы мәмлекетлерден ҳүрметли мийманлар қатнасты.

Фестиваль шеңберинде өткерилген бақсы-шайырлар, ақын ҳәм жыраўлар, фольклор топарларының халықаралық таңлаўында Түркия, Россия, Иран, Бельгия, Қубла Корея, Қытай, Монголия, Израиль, Япония, Финляндия, Аўғанстан сыяқлы 20 мәмлекет ўәкиллери өз шеберлигин көрсетти. Олардың атқарыўшылық шеберлигин Франция, Қубла Корея, Россия, Түркия, Монголия, Өзбекстан, Қазақстанның белгили көркем өнер ҳәм мәденият ғайраткерлери, илимпазлар, маман қәнигелеринен ибарат абырайлы төреши ағзалары бақлап ҳәм мүнәсип баҳалап барды.

Халықаралық таңлаў жеңимпазлары сыйлықланды

 

10-апрель күни Термиз қаласының Көркем өнер сарайы жанындағы заманагөй жазғы сахнада халықаралық таңлаў жеңимпазлары сыйлықланды.

Фестивалдың үшинши дәрежели дипломы, статуэткасы ҳәм ҳәр бирине 2 мың 500 АҚШ долларынан ақшалай сыйлығы қарақалпақстанлы Гүлнара Алламбергенова ҳәм қубла кореялы Ким Хуо Сунга тапсырылды.

Екинши орынға – жәми 7 мың АҚШ доллары муғдарындағы ақшалай сыйлығына россиялы Байбулдин Илгам (3,5 мың доллар) ҳәм әзербайжанлы Ашиқ Али ҳәм Ашиқ Шамира (3,5 мың доллар) ийе болды.

Биринши орынға ҳәр бирине 5 мың АҚШ долларынан ақшалай сыйлығы Өзбекстан  халық бақсысы Абдуназар Поёнов ҳәм түркменстанлы Кервен Ёвбосаровқа берилди.

Төрешилер қурамының жуўмағына бола, Халықаралық бақсышылық көркем өнери фестивалы шеңберинде өткерилген таңлаўдың бас сыйлығы – Гран-приди ҳәм 7 мың АҚШ доллары муғдарындағы ақшалай сыйлықты Қазақстан ўәкили Улжан Байбосынова қолға киргизди. Жеңимпазларға арнаўлы диплом ҳәм фестиваль стауэткасы да салтанатлы тапсырылды.

 

Дерек: Қарақалпақстан хабар агентлиги

скачать dle 10.6фильмы бесплатно



  • 11-04-2019, 16:53 |
  • 504