55 пуқара Хийўа қаласына саяхатқа апарылды

Елимизде инсан, оның атақ-абыройы, қәдир-қымбаты ҳәм мәплерин қорғаўға қаратылып атырған айрықша итибар ҳәр бир пуқараның турмысында әҳимийетли орын тутпақта.

Өзбекстан Республикасы Президентиниң 2017-жыл 1-декабрьдеги “Нәгиранлығы болған шахсларды мәмлекет тәрепинен қоллап-қуўатлаў системасын түп-тийкарынан жетилистириў илажлары ҳаққында”ғы Пәрманының орынланыўын тәмийинлеў мақсетинде усы жылы 9-10-март күнлери Өзбекстан мусылманлары басқармасы ҳәм де “Вақф” қайырқомлық жәмәәтлик фонды басламасы менен республикамыздағы “Имам ийшан Муҳаммад” ҳәм Төрткүл районындағы “Төрткүл” жоме мешитлеринде еситиў ҳәм сөйлеў қәбилетинде нуқсаны болған инсанлар қатнасында диний-мәрипий иләж өткерилген еди.

Ҳәптениң ҳәр жума күни Имам ийшан Муҳаммад ҳәм Төрткүл мешитлеринде нәгиранлар қатнасында арнаўли жума тезиси үлкен монитор арқалы қойып берилмекте. Сондай-ақ, ҳәптениң ҳәр шемби күнлери Қарақалпақстан мусылманлары қазыяты, Имам ийшан Муҳаммад ҳәм Төрткүл мешити имам-хатиблери тәрепинен нәгиранларға ислам дини көрсетпелери ҳаққында түсиник бериў жумыслары алып барылмақта.

55 пуқара Хийўа қаласына саяхатқа апарылды

 

Мине бундай илажларды даўам еттириў мақсетинде 7-апрель күни Қарақалпақстан мусылманлары қазыяты, “Вақф” қайырқомлық жәмәәтлик фонды ҳәм Имам ийшан Муҳаммад мешити қәўендерлиги ҳәм басламасы менен Республикадағы еситиў ҳәм сөйлеў қәбилетинде нуқсаны болған 55 пуқара Хийўа қаласына саяхатқа апарылды.

55 пуқара Хийўа қаласына саяхатқа апарылды

 

Мәмлекетимиз тәрепинен қаратылған итибар, жаратылып атырған имканиятлардан миннетдар екенлиги ҳәм усындай илажларды шөлкемлестирген шөлкемлерге өзлериниң миннетдаршылығын билдирди.

 

Қарақалпақстан мусылманлары қазыяты.

 

скачать dle 10.6фильмы бесплатно



  • 8-04-2019, 17:53 |
  • 443