Шымбайда Күнхожа ҳәм Бердақ шайырлардың мақбара ҳәм музейи ашылды

24-сентябрь күни Шымбай районында Күнхожа ҳәм Бердақ шайырлардың мақбара ҳәм музейлери қурып питкерилип, салтанатлы жағдайда ашылды. Бул ҳаққында район ҳәкимлиги хабар берди.

Усы мүнәсибет пенен өткерилген илажды район ҳәкими П.Ещанов кирис сөз бенен ашты. Буннан кейин Қарақалпақстан Республикасы Жоқарғы Кеңесиниң Баслығы М.Ерниязов шығып сөйледи.

Атап өтилгениндей, Күнхожа ҳәм Бердақ шайырлардың мақбара және музейлериниң қурып питкерилиўи, әдебиятымыз бенен мәдениятымызға, тарийхымызға деген итибардың әмелдеги көриниси.

Соны да айрықша атап өтиўимиз керек, Президентимиз халқымыз бенен болған ушырасыўларда  жазыўшы ҳәм шайырларымыздың дөретиўшилигине жоқары баҳа берип келмекте.  Соның ишинде Бердақтың:

Ойлы жигит, жақсы билимпаз келер,

Айтқан гәплерине түсимпаз келер,

Ақылсыздың қәсийети аз келер,

Ақмақлар ҳеш хызмет етпес халық ушын»,

Шымбайда Күнхожа ҳәм Бердақ шайырлардың мақбара ҳәм музейи ашылды

 

Шымбайда Күнхожа ҳәм Бердақ шайырлардың мақбара ҳәм музейи ашылды

 

Шымбайда Күнхожа ҳәм Бердақ шайырлардың мақбара ҳәм музейи ашылды

 

-деген қосық қатарларына айрықша тоқтап өтеди. Буннан тысқары, тиккелей Президентимиздиң усынысы менен Бердақ шайырдың 190 жыллығының елимиз бойлап кең түрде белгилениўи, Ташкент қаласында, барлық ўәлаятларда «Бердақ күнлери»ниң өткерилиўи, Қарақалпақ мәмлекетлик университетине, Қарақалпақ мәмлекетлик академиялық сазлы театрына шайыр атының берилиўи, Бердақ музейиниң шөлкемлестирилиўи, пайтахтымыздың көрнекли орынларының бирине шайыр естелигиниң орнатылыўы  қарақалпақ әдебияты менен мәдениятына болған айрықша ҳүрметтиң үлгиси.

Шымбайда Күнхожа ҳәм Бердақ шайырлардың мақбара ҳәм музейи ашылды

 

Шымбайда Күнхожа ҳәм Бердақ шайырлардың мақбара ҳәм музейи ашылды

 

Шымбайда Күнхожа ҳәм Бердақ шайырлардың мақбара ҳәм музейи ашылды

 

Илажда сондай-ақ, мийнет ветераны Қ.Камалов, «Нураний» қоры Қарақалпақстан бөлиминиң баслығы, Қарақалпақстан халық жазыўшысы Ш.Уснатдинов, Өзбекстан Республикасы Олий Мажлиси Сенатының ағзасы, Қарақалпақстан халық шайыры Г.Аннақлышева, Пуқаралардың өзин-өзи басқарыў уйымлары жумысларын муўапықластырыў бойынша Шымбай районы бөлими баслығының биринши орынбасары Б.Абдуллаев шығып сөйлеп, қарақалпақ әдебиятының көрнекли ўәкиллери Күнхожа ҳәм Бердақ шайырлардың  естелигине болған айрықша итибары ушын Президентимизге шексиз миннетдаршылық билдирди. Әлбетте, келешекте бул орын тек елимиз пуқараларының емес, ал шет елли мийманлардың да зыярат етиў орнына айланатуғынына исеним билдирди.

Илаж соңында қуран оқылып, бабаларымыздың руўхына ҳүрмет көрсетилди. Қатнасыўшылар қысқа мүддетте қурып питкерилген уллы шайырларымыздың мақбарасын ҳәм музейин зыярат етти.

 

скачать dle 10.6фильмы бесплатно



  • 25-09-2018, 08:55 |
  • 414