Тахтакөпирли оқыўшылар Бишкекте бириншиликти ийеледи

Усы жыл 13–20-июль күнлери аралығында Қырғызстан Республикасының Бишкек қаласында өткерилип атырған «Ыссы көл досларды жыйнамақта – 2018» халықаралық этнокарнавалда Тахтакөпир районындағы 17-санлы улыўма билим бериў мектебинен 10 оқыўшы қатнаспақта. Бүгин олар усы карнавалдың «Соло халық сазлары» бағдарында улыўма командалық есапта биринши орынды ийеледи.

–  Жасларға исеним билдириў менен бирге, кең имканиятлар жаратыў, әлбетте, жеңислерге жетелейди,-дейди Өзбекстан жаслар аўқамы Тахтакөпир районлық Кеңесиниң баслығы Таран Нагимов. – Атап айтқанда, Жаслар аўқамының Тахтакөпир  районлық Кеңеси де район жасларының машқалаларын мүмкиншилиги болғанынша шешип, олар менен тығыз бирге ислесип келмекте.

Усы карнавалда қатнасқан тағы бир оқыўшымыз Шахсәнем Сейтова да бүгин жеке атқарыўда сыйлы 2-орынды ийеледи.

Бул қуўанышлы хабарды бизге 17-санлы балалар музыка ҳәм көркем өнер мектебиниң жетекшиси Д.Қытайбекова жеткерди, деп жазады Қарақалпақстан хабар агентлиги.

Биз олардан буннан да жақсы нәтийжелерди күтип қаламыз.

 

Тахтакөпирли оқыўшылар Бишкекте бириншиликти ийеледи

 

Тахтакөпирли оқыўшылар Бишкекте бириншиликти ийеледи

 

Тахтакөпирли оқыўшылар Бишкекте бириншиликти ийеледи

 

скачать dle 10.6фильмы бесплатно



  • 17-07-2018, 17:47 |
  • 510