Көркем өнер хызметкерлери ҳәр жылы Президент атынан хошаметленип барылады

Миллий мәдениятымыздың раўажланыўына үлкен үлес қосқан көркем өнер хызметкерлерин ҳәмде өзбек көркем өнерин дүнья сахналарында табыслы көрсетип киятырған жасларды қоллап-қуўатлаў ис-иләжлары ҳаққындағы Ҳүкимет қарары (МК қарары-271, 06.04.2018-жыл) қабыл етилди.

Усы қарар менен Миллий мәдениятымыз раўажланыўына үлкен үлес қосқан көркем өнерин хызметкерлерин ҳәмде өзбек көркем өнерин дүнья саҳналарында табыслы көрсетип киятырған жасларды Өзбекстан Республикасы Президенти атынан хошаметлеў тәртиби ҳаққындағы Реже тастыйықланды.

Режеге көре:

 -  Миллий мәдениятымыз раўажланыўына үлкен үлес қосқан көркем өнерин хызметкерлери ҳәмде өзбек көркем өнерин дүнья саҳналарында табыслы көрсетип киятырған жаслар ең кем айлық ис ҳақының 50 есеси муғдарында бир мәртелик пул саўғасы менен материаллық хошаметленеди ҳәм оларға хошаметленгенлик ҳаққындағы сертификат тапсырылады;

Хошаметлеўге, қағыйда тәризинде, төмендеги тараўларда искерлик жүритип атырған мәденият тараўы ўәкиллери усынылады:

 -   композитор, бастакор ҳәм  көркем өнери таныўшылар;

 -   театр, кино ҳәм ғалабалық иләжлары актёрлары, режиссёрлары;

 -   дирижёрлар, балетмейстерлер;

 -   музыка, хор, ойын, цирк, оркестр, ансамбль атқарыўшылары ҳәм усы топарлардың көркемлик тәрептен басшылары;

 -   дәстан атқарыўшылығы хызметкерлери;

 -   шайыр ҳәм жазыўшылар;

 -   музей ҳәмде материаллық ҳәм материаллық емес мәдений мийрас объектлерин қорғаў тараўында искерлик көрсетип атырған хызметкерлер;

 -   сүўретлеў ҳәм әмелий көркем өнери ўәкиллери, дизайнерлер.

Хошаметлеўге мәденият тараўының басқа бағдарларында искерлик жүргизип атырған талабанлар да усынылыўы мүмкин.

Талабанларды усыныў ҳәм жеңимпазларды анықлаў аймақлық комиссиялар ҳәм республика комиссиясы тәрепинен әмелге асырылады.

Хошаметлеў мәресими ҳәр жылы Ташкент қаласында Ғәрезсизлик байрамы қарсаңында өткериледи.

 

Дерек: @huqiqiymalimleme

скачать dle 10.6фильмы бесплатно



  • 9-04-2018, 17:43 |
  • 330