Жаназаны мабаға айландырмайық!

Динимиз тәлийматы бойынша бир адам қайтыс болса, ол жерде үш күнге шекем аўқат писирилмеўи керек. Ал, бүгинги күнимизде аза болған үйде үш күнлеп қазан асылады, өли менен ҳеш кимниң иси жоқ, жаназа күни қарамал сойылып, ҳәмме келгенлерге аўқат бериў, қонық жайларына жайғастырыў, қуда тамырларға жанлық мал яки шеке бериў уқсаған ислер менен бәнт. Өли бул ақыретлик ис болғаны ушын оның ҳүрметин өз орнына қойып, мойынымыздағы парызымызды орынлаўымыз керек. Мүсийбетти зыяпатқа айландырыў мусылманшылық түўе инсаныйлыққа да туўры келмейди.

Пайғамбарымыз саллаллаҳу алайҳи ўасалламнан рәўият етилген ҳәдисте: «Марҳумды ҳүрметлеў оны тез жерлеў менен болады» деген, екинши бир ҳәдистиң түсинигинде «Тирилер не нәрседен азар шегетуғын болса, өлилер де сол нәрселерден азар шегеди» делинген.

Мәйитти бир неше күн қондырыў шәриятта қадаған болыўы менен бир қатарда медициналық ҳәм психологиялық жақтан унамсыз ақыбетлерге алып келеди. Мәйитти бир неше күнлеп саклаў нәтийжесинде мәйит жаткан ханаға оның ийиси сиңип қалып кейин ала көп ўақытқа шекем кетпей турады. Буннан базылар сескенип, шоршынады. Усының ақыбетинде психологиялық кеселликлер келип шығады.

Жоқарыда айтып өтилген динимизге қайшы болған ислер ҳаққында Өзбекистан мусылманлары басқармасының пәтўасы (Фатво) шыққан. Усы пәтўадағы (Фатво) көрсетпелер бойынша Қоңырат районы ҳәкимлиги, «Ҳәким Сулайман» жомъе мешити, «Нураный» қоры, «Маҳалла» фонды ҳәм басқада жәмийетлик шөлкемлер ўәкиллери қатнасыўында Муқаддес Ислам динимиздиң тазалығын сақлаған ҳалда үгит-нәсият жумыслары алып барылмақта, деп хабар береди район ҳәкимлиги.

Жаназаны мабаға айландырмайық!

 

 

скачать dle 10.6фильмы бесплатно



  • 10-02-2018, 13:21 |
  • 739