«Ардақлаў-2017» сыйлықлаў мәресиминиң болатуғын күни белгили болды

Мәденият, көркем-өнер, дөретиўшилик, журналистика, теле-радио ҳәм спорт тараўларын раўажландырыўда ҳәм бул бағдардағы жумысларда жетискенликлерге ерисип, жемисли хызмет етип киятырған пидәйи хызметкерлерди қоллап-қуўатлаў, хошаметлеў мақсетинде Мәденият министрлиги тәрепинен «Ардақлаў-2017» сыйлықлаў мәресими усы жылдың 20-январь күни Бердақ атындағы Қарақалпақ мәмлекетлик академиялық музыкалы театрында саат 17:00 өткериледи. Усы жылы сыйлықлаў мәресиминде 40 қа жақын номинациялар бойынша сыйлық ийелери анықланады.

Усы жылы сыйлықлаўға киритилген жаңа номинациялардың ишинде, «Жылдың ең жақсы классикалық қосық атқарыўшысы», «Жылдың ең жақсы қәўендери», «Жылдың ең үлгили балалар ҳәм көркем өнер мектеби», «Жылдың ең жақсы көркем өнер шайдасы», «Жылдың ең жақсы ансамбли», «Жылдың ең ағла устазы», «Жылдың ең жақсы халық ансамбли», «Жылдың ең жақсы шайыры», «Жылдың ең жақсы мәденият билимлендириў мәкемеси», «Жылдың ең жақсы театр сыншысы», «Жылдың ең жақсы китапханашысы», «Жылдың ең жақсы нураний көркем-өнер устасы», «Жылдың ең жақсы фон режиссёри», «Жылдың ең жақсы фольклор жәмәәти» номинациялары бар. Сондай-ақ, «Көркем-өнерге пидә өмир» еслеў номинациясы киритилген.

Қарақалпақстан Республикасы Мәденият министрлигинде сыйлыққа талабанлардың ҳүжжетлерин қабыллаў даўам етпекте. Мүрәжат ушын телефон 222 86 99, 222 93 21

 

А.Сейтов

Қарақалпақстан Республикасы

Мәденият министрлигиниң бөлим баслығы

 

 

 

скачать dle 10.6фильмы бесплатно



  • 16-01-2018, 22:25 |
  • 410