Әкесине көлик мингизген перзент

Әкесине көлик мингизген перзент

        Өмир тәжирийбемде туўған туўысқанлар мүлк таласып судласып атырғанлығын көрип жүрегиме қанжар киргендей болады. Жақында бир жигит өзи шаңарақта генже екенлигин бирақ әкеси үйиндеги автокөлигин қолындағы перзентине мийрас еткенлигин билдирип судқа арза жазып бериўимди сорады.

       Ол жигитке өзим мысалымда төмендегише ақыл бердим, иним, егер үйде генже жигит болсаң онда әкең жаяў жүрсе, сениң көликте жүргениң қәте, себеби әкеңди жаяў жүритип өзиң қалайынша көликте жүресең? Тап сондай егер адам өзинен туўысқанларын үстем көрсе онда, аға биринши өзине емес ал инисине жақсы затты раўа көриў керек (жай, автокөлик ҳ.т.б.) ал егер ини, өзинен ағасын үстем көрсе онда жақсы затты өзине емес ал ағасына раўа көриў керек. Айтажақ болғаным, қәнекей, көлик алыўға пулың болып оны биринши әкеңе ямаса ағаңа яки иниңе алып берип өзиң жаяў жүрсең. Жеке өзимниң өмиримнен келип айтсам мен бундай рәҳәттен өткенлигим, бул сезимди басымнан кеширгенлигим ушын айтып атырман дедим. 

       

       Бир ой жуўыртып көриң ҳәзирги дәўирде перзент еки қабатлы имаратта жасап патша сыяқлы күн кеширип, кимсең пәленше болып жасап атырғанлығын ал оның әкеси болса керисинше екенлигин көзимиз көрип үйренди. Тап сондай иниси яки ағасы, мине-мен деген көликте ал иниси яки ағасы болса қол ушы талап пенен зорға күн кеширип отырғанлығын көремиз.

       Ата-бабада гәп қалмаған, «ағайин татыў болса ат көп, абысын татыў болса ас көп» деп, тап сондай ер адам қолында бар ўақытта ағасына, инисине, өзинен жақсы затты раўа көриўи шәрт.

 

       Гәптиң пос геллесине келсек, Есимқан Қанаатовты көпшилик, халық мәпи ушын жанкүйдирип қәлем тербетип жүргенлигин биледи.

     

Әкесине көлик мингизген перзент

 Есимқан Қанаатов

 Е.Қанаатов ҳәзирги ўақытта Наўайы ўалатында, ол жақында әкесин Ташкент қаласына ағайинлерин көриўге апарып келди, сапардан қайтқаннан соң әкесине «Нексия» маркалы автокөлик саўға етип алғыс алды.

       Есимқан сапарға кетпестен бурын маған Дәўлет, әкеме машина саўға етпекшимен деди, мен бул сөзди еситип қуўаныштан төбем көкке жетти. 

        Көп ойланып Есимқан ағамыз турмыс жолдасты таңлаўда алжаспағанлығына ийманым кәмил болды, дана халқымыз «шапан алма астар ал, қатын алма қостар ал» деп бийкарға айтпаған.

 

       Есимқанға бүгин ағайинлери тон кийдирди, негизи тон (шапан) кийиўдиң өз алдына салтанаты, жуўапкершилиги бар, мен бир ўақыяны есиме алғым келеди, жан қонсым Аймурат аға Өтенов арқама шапан жаўғанда, көзиме ериксиз жас алған едим, сонда иш-ишимнен шапан жабыў тегиннен дәстүрге айланбаған уллы қәсийет екенлигин аңладым.

 

        Енди Есимқан халыққа жаяў хызмет етеди, бирақ исенимим кәмил 

«ата-улы менен көп жасайды» дегендей әкесин шад еткен инсан кем болмайды, себеби «ата нәсиятын алған кәтқуда болады» деген гәп бийкарға айтылмағанғо.

       Қулласы «алтын гүмистиң гөнеси болмас, ата-ананың баҳасы болмас» дегендей өзимизден ата-ананы, ағайин туўғанды үстем қояйық, сыр емес ҳәзирги ўақытта шаңарақ муқаддес деп перзентлерди ата-анадан үстем көриўшилер көп, (ҳаял адамға тийисли емес) бирақ бир затты умытпаў керек ескиде урыс болғанда баласын емес ал инисин атқа миндирген халықпыз, бул ҳәрекетти динимизде бийкар етпейди.

       Жуўмақлап айтқанда, Е.Қанаатовтан мақала жазаман деп руқсат сорағанда ол еки қолын көтерип яқ деп жуўап берди, мен оның пикирине қарсы шығып мақала жаздым, себеби бундай унамлы истен ҳәр ким өрнек алыўы керек.

 

 

     «Ел хызметинде газетасы» 

Бас редакторы Д.М.Тәжимуратов  

 

@el_xizmetinde

 

скачать dle 10.6фильмы бесплатно



  • 11-09-2020, 22:28 |
  • 6 887