Өзбекстан халық артисти Дилбар Икрамова дүньядан өтти

 

Өзбекстан халық артисти Дилбар Икрамова дүньядан өтти

 

Өзбек миллий академиялық драма театрының актрисасы, Өзбекстан халық артисти Дилбар Икромова бүгин, 25-август  күни 73 жасында қайтыс болды, деп жазады Kun.uz. Мәлим болыўынша, актриса коронавирус пенен емлеўханада емленип атырған еди.

 

«Дилбар апа COVID-19 инфекциясын жуқтырып, комаға түсип қалған еди. Дәслеп Зангиотадағы арнаўлы емлеўханада емленди, жағдайы аўырласқаннан кейин «Акфа Медлайн» клиникасына көширилди.

Дилбар апаның саламатлығы ушын шаңарағы ҳәм «Ўзбеккино» МА жәмәәти – ҳәмме ҳәрекет етти, бирақ болмады. 73 жаста еди, оны Алла рахметине алсын», - дейди «Кино» медиаклубы баслығы Шоира Рауфбоева. 

 

Дилбар Икромова 1947жылдың 17-июлында Ташкент ўәлаятының Бекобод районында туўылған. Ол 1970-жылы Ташкент театр ҳәм сүўретшилик көркем-өнер институтының «Театр ҳәм кино актёры» факультетин тамамлаған. Актриса «Келинлар қўзғолони», «Чимилдиқ», «Дев билан пакана», «Девона», «Афғон», «Ойқиз эртаги» сыяқлы фильмлердеги роллери менен көпшиликке жақсы таныс. Дилбар Икромова, сондай-ақ, тәжирийбели дубляж актёры болып, өзине жараса даўыс ийеси еди.

Актриса 2001-жылы «Өзбекстан Республикасы халық артисти» ҳүрметли атағы менен сыйлықланды.

 

Аўдарма: makan.uz

 

скачать dle 10.6фильмы бесплатно



  • 25-08-2020, 18:26 |
  • 2 771