«Саўға»ға неге билет жоқ? деген сораўға Мәденият министрлигинен рәсмий жуўап

Makan.uz сайтының телеграмдағы бот каналына Бердақ атындағы Қарақалпақ мәмлекетлик академиялық музыкалы театрының «Саўға» театрластырылған Жаңа жыл байрам тамашасына кассада билетлердиң қалмағаны бойынша пуқарадан сораў келип түсти. Бул сораўға Қарақалпақстан Республикасы мәденият министрлиги рәсмий жуўап берди.

 

«Саўға»ға неге билет жоқ? деген сораўға Мәденият министрлигинен рәсмий жуўап

 

Бердақ атындағы Қарақалпақ мәмлекетлик академиялық музыкалы театрында «Саўға» театрластырылған тамашасы Жаңа жыл кешеси ҳәм 8-март Ҳалықаралық ҳаял қызлар байрамына бағышлап таярланады. Бул театрдың көп жыллардан берли киятырған дәстүрине айналған.

2020-жыл Жаңа жыл кешесине де «Саўға» тамашасы таярланып балаларымыздың дем алыс күнлерин мазмунлы өткериў ушын ҳәр куни саат 12-00 де, 15-00 де ҳәм 17-00 де қойылмақта. Соннан усы жылдың 4-12-январь күнлери аралығында саат 12-00 ҳәм 15-00 деги театрластырылған байрам тамашасы ушын Қарақалпақстан Республикасы Халық Билимлендириў министрлиги менен биргеликте шөлкемлестирилген қаламыздағы кем тәмийинленген «Меҳрийбанлық үйи» тәрбияланыўшылары, Нөкис қаласы 4-санлы арнаўлы гереңлер майыплар имкәнияты шекленген интернат балалары ҳәм де Нөкис районы кем тәмийинленген шаңарақ ағзалары ушын қойып берилмекте.

Саат 17-00 деги байрам тамашасы ушын 600 орынға тамашагөйлерге билетлер сатылып атыр.

Makan.uz сайтының телеграм бот каналына пуқарадан келген: «Сонда Жаңа жыл саўғасын тек ғана билимлендириў саласындағылар көриўи керек пе» деген мүрәжатқа  жуўап ретинде: - Театр халықтики ҳәм барлық тамашагөйлеримиз келип «Саўға»ны көриўине болады, сондай-ақ, «Жаңа жыл Саўғасы» январь айының соңына шекем даўам ете беретуғынын мәлим етип билдиремиз.

скачать dle 10.6фильмы бесплатно



  • 6-01-2020, 16:16 |
  • 2 261