Өзбекстан “Doing business” есабатында “бизнести дизимнен өткериў” көрсеткиши бойынша 8-орында!

Сонғы жылларда мәмлекетимизде бизнес жүритиў ушын қолайлы исбилерменлик орталығын жаратыў, исбилерменлик субъектлериниң ҳуқықлары кепилликлерин беккемлеў, шет ел инвестицияларын белсенди тартыў ҳәм инвесторларды ҳәр тәреплеме қоллап-қуўатлаў тәмийинлеўине қаратылған кең қамраўлы реформалар әмелге асырылмақта.

Усының нәтийжесинде Жәҳән банкиниң “Doing business” жыллық есабатында Әдиллик министрлиги ҳәм Мәмлекетлик хызметлер агентлиги жуўапкер болған “Бизнести дизимнен өткериў” көрсеткиши бойынша дуньяның 190 мәмлекетлер ишинде 8-орынды ийелеп, Өзбекстан тарийхында биринши мәртебе Топ-10қа кирди.

Өзбекстан “Doing business” есабатында “бизнести дизимнен өткериў” көрсеткиши бойынша 8-орында!

 

Усы рейтинг сонғы 16 жылдан бери дуньяда ең қолайлы бизнес-орталығы жаратылған мәмлекетлер рейтинги жәрияланбақта.

Кейинги 5 жыл даўамында Жәҳән банки ҳәм Халық аралық қаржы корпорациясының “Бизнес жүритиў” жыллық есабатында Өзбекстан Республикасының рейтинги 2 есеге жақсыланып, мәмлекетимиз дүньяның 190 мәмлекет ишинде 2012-жылдағы 166-орыннан 2018-жылда 76-орынға көтерилди.

Ғәрезсизлигимизниң дәслепки жылларда исбилерменлик субъектлерин дизимнен өткериў 10 күн ишинде әмелге асырылып, 7 түрдеги ҳүжжетлер талап етилген болса, ҳәзирде бул хызмет 30 минут ишинде әмелге асырылады.

Нәтийжеде, 2018-жыл жуўмағы бойынша Жәҳән банктың жарияланған рейтинги бойынша мәмлекетимиз бизнести дизимнен өткериў индикаторы бойынша 190 мәмлекеттен 12-орынға мүнәсип деп табылды.

Жәҳән банки ҳәм Халық аралық қаржы корпорациясының “Бизнес жүритиў” жыллық есабатында Өзбекстан Республикасының рейтингин  жақсылаў мақсетинде Өзбекстан Республикасының бир қатар қарарлары қабыл етилди.

Усы қарарлар менен мәмлекетимиз рейтингин жақсылаў бойынша “Жол карталар” тастыйықланып, ис-илажлар белгиленди.

Сондай-ақ:

-исбилерменлик субъектлериниң бирден-бир реестриндеги бәрше мағлыўматлары менен Интернет тармағы арқалы танысып шығыў имканияты жаратылды;

- исбилерменлик субъектлерин дизимнен өткериў менен бир ўақытта онлайн есапбетлер ашыў имканият жаратылды;

-  мөр ҳәм штамплардан пайдаланыў талабы ҳәмде исбилерменлик субъектлериниң устав фондына қойылған минимал талаблар бийкар етилди;

- мәмлекетлик дизимнен экстерриториал принцип тийкарында жолға қойылды;

- шет  ел инвестиция қатнасыўында кәрханалардың устав фондына болған минимал талаплары кемейтирилип, 400 млн сум етип белгиленди;

- шет ел қатнасыўшының тек ғана юридикалық шахс болыўы талабы бийкар етилип, олардың үлеси 30 пайздан 15 пайызға кемейтирилди. 

Өзбекстан “Doing business” есабатында “бизнести дизимнен өткериў” көрсеткиши бойынша 8-орында!

Фотода: Мәмлекетлик хызметлер агентлиги Қарақалпақстан Республикасы басқармасы баслығы Казбек Артыков 

 

Соның менен бирге бүгинги күнде Қарақалпақстан Республикасында 11000нан аслам исбилерменлик  субъектлери мәмлекетлик дизимнен өткерилди. Бундай көрсеткишлерге  өз гезегинде исбилерменлик субъектлерин дизимге алыў тәртип-қағыйдаларының еледе әпиўайластырылғанлығы ҳәмде оларға мәмлекетлик хызметлер көрсетиў сапасын жақсылаўы нәтийжесинде ерисилмекте.

Әмелге асырылған усы ҳәрекетлер нәтийжесинде 2019-жыл жуўмағы бойынша Жәҳән банкының жәрияланған “Бизнести жүритиў” рейтингининг “бизнести дизимнен өткериў” индикаторында Өзбекстан Республикасы 4 пағанаға көтерилип, 190 мәмлекетлер ишинде 8-орынды ийеледи.

 

Мәмлекетлик хызметлер агентлиги Қарақалпақстан Республикасы басқармасы

скачать dle 10.6фильмы бесплатно



  • 30-10-2019, 14:33 |
  • 573