Қағаз формасындағы мийнет дәптершелери берилиўи тоқтатылады

Қағаз формасындағы мийнет дәптершелери берилиўи тоқтатылады

 

2019-жылдың 1-январынан баслап Өзбекистанда биринши мәрте жумысқа орналасқан хызметшиге қағаз көрнисиндеги мийнет дәптершелери берилиўи тоқтатылады. Бул Өзбекистан Республикасы Президенти Шавкат Мирзиёевтиң 23-майдағы «Бәнтлик тараўында мәмлекет сиясатын еле де жетилистириў ҳәм мийнет органлары жумысы нәтийжелигин түпкиликли асырыў илажлары ҳаққында»ғы пәрманында белгиленген, деп хабар бермекте kun.uz.

Оған муўапық, хызметшилердиң жумыс орны ҳәм мәмлекет социаллық қамсызландырыўына төленген дәўири бойынша дизимге алыўдың «электрон мийнет дәптершеси» системасы енгизилиўи режелестирилген.

Мийнет дәптершелериндеги жазыўлар салық төлеўшиниң индивидуал саны (ИНН) ҳәм пуқаралардың жыйналып барылатуғын пенсия төлеми бойынша индивидуал саны (ИНПС) тийкарында, хызметшиниң жумыс орны ҳәм Өзбекистан Республикасы Финанс министрлиги жанындағы Бюджеттен тысқары пенсия фондына төлемлер әмелге асырылған дәўири бойынша есапқа алыў менен басқышпа-басқыш аўмастырылып барылады.

Сондай-ақ, пәрман менен 2018-жылдың 1-январынан баслап кәсип-өнер колледжлери, академиялық лицейлердиң барлық оқыўшыларын, олардың ҳәр бирине салық төлеўшиниң индивидуал саны берилген ҳәм электрон санлы имзаны (ЭСИ) тийисли төлемди өндирместен берген ҳалда, салық төлеўши сыпатында мәмлекет салық органларында дизимге қойылады.

Қабылланған пәрманда мийнет нызамшылығын жетилистириў бойынша халық бәнтлигин хошаметлеўге бағдарланған илажлар нәзерде тутылған. Атап айтқанда:

- 2018-жылдың 1-январынан баслап жоқары ҳәм орта арнаўлы кәсип-өнер билимлендириў мекемелериниң биринши мәрте жумысқа жайласқан питкериўшилериниң биринши жылда жумысқа жайласқанларының ис ҳақынан алынатуғын дәрамтлары бойынша бирден-бир социаллық төлемниң орнатылған ставкасын 50%ке, олардың екинши ҳәм үшинши жыл дәўириндеги мийнет жумысы бойынша 25% ке кемейтиў;

- 2018-жылдың 1-январынан баслап мәмлекетлик емес шөлкемлерге пуқараларды Өзбекистан Республикасы аймағында жумысқа жайластырыў тараўында, олар тәрепинен пуқараларды сырт елде жумысқа жайластырыў жумысы әмелге асырылатуғын жағдайларда болса белгиленген тәртипте берилетуғын лицензия тийкарында, пуллы хызметлер көрсетиў ҳуқықын бериў.

Алдын хабар бергенимиздей, Президент пәрманы менен Өзбекистан Республикасы Мийнет министрлиги Өзбекистан Республикасы Бәнтлик ҳәм мийнет қатнасықлары министрлиги етип қайта шөлкемлестирилген еди.

скачать dle 10.6фильмы бесплатно



  • 25-05-2017, 17:39 |
  • 423