Өзбекстан-Қазақстан шегарасындағы «Б.Конысбаев» шегара өткериў пункти бир неше ай жабық болады

 

Өзбекстан-Қазақстан шегарасындағы «Б.Конысбаев» шегара өткериў пункти бир неше ай жабық болады

 

1-ноябрьден баслап «Б.Конысбаев» шегара өткериў пунктинде пияда физикалық шахслар, жеңил автотранспорт ҳәм 3,5 тоннаға шекем жүк көтериў қәбилетине ийе болған жүк автотранспорт қураллары ҳәрекети 2020-жыл 1-ярымына шекем тоқтатылады.

Мәмлекетлик бажыхана комитетиниң хабарына қарағанда, Қазақстан Республикасының Өзбекстан Республикасы менен шегарада жайласқан «Б.Конысбаев» шегара өткериў пунктинде қайта қурыў ҳәм кеңейтиў жумыслары алып барылады.

Сол мүнәсибет пенен комитет товар ҳәм транспорт қуралларын бажыхана шегарасы арқалы алып өтиўши сыртқы экономикалық искерлик қатнасыўшылары, тасыўшылар, жеңил автотранспорт қураллары айдаўшылары ҳәм пияда ҳәрекетлениўши физикалық шахсларға ўақытларын үнемлеў, шығымлардың алдын алыў мақсетинде өзбек-қазақ шегарасында жайласқан басқа альтернатив өткериў пунктлери арқалы ҳәрекетлениўлери мүмкин екенин мәлим етти.

Еслетип өтемиз, Қазақстанның «Б.Конысбаев» шегара өткериў пункти Ташкент ўәлаяты Чиноз районындағы «Яллама» шегара өткериў пунктине тутас есапланады.

 

Аўдарма: makan.uz

скачать dle 10.6фильмы бесплатно



  • 18-10-2019, 11:10 |
  • 1 228