Бажыханашылар-исбилерменлерге көмекши

Қарақалпақстан Республикасы экономикасы жедел пәтлер менен раўажланар екен, өткен 3 жыл даўамында жалпы ишки өним ислеп шығарыў 2 есеге өсти. Санаат кәрханалары тәрепинен алдын 193 түрдеги өнимлер ислеп шығарылған болса, бүгинге келип бул көрсеткиш 284 ге жетти.

2016-жыл сыртқы инвестициялар қатнасыўында 73 кәрхана хызмет көрсеткен болса, бүгинги күнге келип олардың саны 138 ге жеткен. Экспорт көлеми 2015-жыл менен салыстырғанда 4,4 есеге өсиўи тәмийнленди.

Исбилерменликти раўажландырыўға жақыннан көмеклесиў, мәмлекетимизде экспорт өнимлерин ислеп шығарыўды кеңейтиў, экспортты ҳәр тәреплеме раўажландырыў, бул бағдарда Президентимиз тәрепинен қабыл етилип атырған норматив-ҳуқуқый ҳүжжетлердиң орынланыўын тәмийнлеўде бажыхана тараўында да бир қанша ўазыйпалар белгиленип, исбилерменлер ушын бажыхана төлемлеринен имтиязлар жаратылды.

Бажыханашылар-исбилерменлерге көмекши

 

Қарақалпақстан Республикасы Бажыхана басқармасы республикада жергиликли ислеп шығарыўшы кәрханаларға барған ҳалда ол жердеги жумыс процессин көзден кеширип, бар болған машқалаларды үйренип, исбилерменлик субъектлерин бажыхана тараўында жаратылып атырған имканият ҳәм қолайлықлар менен таныстырып, экспорт көлемин кеңейтиў, импортты оптималластырыў бойынша тийисли усыныслар берип келмекте.

Бажыханашылар-исбилерменлерге көмекши

 

Нәўбеттеги усындай ушырасыўлардан бири Тахиятас районындағы “ATIAJ GU’LZAR” жуўапкершилиги шекленген жәмийетинде өткерилди.

Суткасына 120 тонна бийдайды қайта ислеўге мөлшерленген жәмийеттиң иске түсирилиўи ең алды менен бир қанша жаслардың жумыс пенен тәмийнлениўине тийкар жаратты.

2018-жыл өз жумысын жолға қойған жәмийетке техникалық үскенелер Туркия мәмлекетинен алып келинип, кәрхана 1 миллион 50 мың сум АҚШ доллары муғдарында бажыхана төлемлеринен имтиязға ийе болған.

Бул жәмийет бийдай өнимин қоңсы Қазақстан Республикасынан алып келип, қайта ислеген ҳалда Қарақалпақстан Республикасы ҳәмде Хорезм ўәлаяты халқын сыпатлы ун өнимлери менен тәмийнлеп келмекте.

Кәрхананың жумыс процессин көзден кеширер екенбиз, бул жердеги барлық технологялардың автоматластырылғанлығының гүўасы болдық. Кәрхана хызметкерлери жаратылған шәраятлардан қуўанышлы.

Ушырсыўда тараў қәнийгелери тәрепинен усы жылы бажыхана нызамшылығына киритилген өзгерислер ҳәм жаңалықлардың исбилерменлик жумысына қолайлығы ҳәм бажыхана тараўындағы жеңилликлердиң абзаллықлары ҳаққында толық түсиниклер берилди.

Илаж даўамында жәмийет хызметкерлериниң машқала ҳәм усыныслары тыңланып, олардың шешими бойынша әмелий жәрдем көрсетилип, үйренилиўи лазым болған мәселелер инабатқа алынды.

 

Қарақалпақстан Республикасы Бажыхана басқармасы Мәлимлеме хызмети

скачать dle 10.6фильмы бесплатно



  • 14-10-2019, 19:57 |
  • 393