Нөкис қалалық электр тәмийинлеўши кәрханасынан makan.uz’ға жуўап

Нөкис қалалық электр тәмийинлеўши кәрханасынан makan.uz’ға жуўап

 

2019-жыл 7-октябрь күнги Makan.uz информациялық сайтының телеграмм каналындағы Нөкис қалалық электр тармақлары кәрханасындағы тутыныўшылардың нәўбетиндеги көплиги, ҳәдден зыят адамлардың көп екенлиги бойынша сүўретли репортажға төмендегише мүнәсибет билдиремиз.

Өзбекистан Республикасы Президентиниң 2018-жыл 23-октябрь күнги «Электр энергетикасы тармақларын жедел раўажландырыў ҳәм қаржыландырыў турақлылығын тәмийинлеў ис-илажлары хаққындағы» ПҚ-3981 санлы қарары ҳәм 2019-жыл 9-июль күнги «Жанылғы энергетика тараўында өз-ара есап китапларды жәнеде раўажландырыў ҳәм қаржыландырыў турақлылығын асырыў ис-илажлары туўрысында»ғы ПП-5761-санлы пәрманы талапларының орынланыўын тәмийинлеў мақсетинде Нөкис қаласында 2019-жыл 12-август сәнесинен баслап электр энергиясын есапқа алыў хәм қадағалаўдың автоматластырылған дизимине жалғанатуғын электрон электр есаплағышларға алмастырыў жумыслары басланып бүгинги күнде қаласы аймағындағы тутыныўшыларға жәми 50500 дана заманагөй электрон электр есаплағыш үскенелери орнатылды.

Сол себепли ҳәзирги күнде тутыныўшылардың қол телефон номерлери,  ИНН, кадастр ҳәм паспорт мағлыўматлары «Электроесап» бағдарламасына киритилип ҳәм пайдаланылған электр энергиясы ушын есап-санақ жумыслары алып барылмақта. Бул өз гезегинде тутыныўшылар арасында нәўбетлердиң ҳәдден зыят көп болыўына себеп болып атырғанлығын мәлим етип билдиремиз. Сонлықтан, ҳәзирги ўақытта жумыс көлеми көп болыўына байланыслы Нөкис калалық электр тармақлары кәрханасы хызметкерлери хәптениң ҳәр күни ҳәттеки ШЕМБИ, ЕКШЕМБИ күнлери де тутыныўшыларға қолайлылықлар жаратыў мақсетинде азаңғы саат 09:00 ден кешки саат 22:00 ге шекем тутыныўшыларды қабыллап, хызмет көрсетип келмекте.

МАҒЛЫЎМАТ УШЫН, электр энергиясы тутыныўшылары есап-китап жумысларын әмелге асырыў ушын ҳәр ҳәптениң шемби, екшемби күнлери де Нөкис қалалық электр тармақлары кәрханасы мүрәжат етиўине болады.

 

Нөкис қалалық ЭТК администрациясы.

скачать dle 10.6фильмы бесплатно



  • 7-10-2019, 19:56 |
  • 1 812