Пуқарадан жол кирейге 1500 сўм сораған 21-жөнелистеги шофёр жумыстан босатылды

Makan.uz сайтының телеграм каналында 19-сентябрь күни Нөкис қаласы 21-жөнелис шофёры пуқарадан жол кирей ҳақысына 1500 сўм сорағаны, пуқараның ҳалатты видеоға түсириўи нәтийжесинде ол ақшаны алыўдан бас тартқаны жәрияланған еди. Қарақалпақстан Республикасы Трнаспорт министрлиги makan.uz’ға жағдай бойынша рәсмий мағлыўмат берди.  

«Бул видео көринис Нөкис қаласы аймағында 21-санлы «Орайлық базар-Қызкеткен елаты» киши көлемли автобус жөнелисинде жолаўшы тасыў хызметин көрстиўши «Анвар универсал сервис» ЖШЖ айдаўшылары ортасында додаланып, кәрхана айдаўшыларына шәртнама шәртлеринде көрсетилген жолаўшыларды сапалы тасыў ҳәм жоқары мәдениятлы хызмет көрсетиў, жумыс режимине, қатнаў схемасына, жолаўшыларды тасыўда белгиленген тарифке әмел етиўлери бойынша түсиник жумыслары жүргизилди. Сол күнги ўақыя себепшиси болған кәрханаға қараслы Дамас маркалы мәмлекетлик белгиси 95 V 019 HA болған автотранспорт қуралы айдаўшысы Т.Т. жумыстан босатылғанын мәлим етип билдиремиз».

 

Қарақалпақстан Республикасы Трнаспорт министрлигиниң Исеним телефоны: 61 225-70-36 

скачать dle 10.6фильмы бесплатно



  • 26-09-2019, 11:30 |
  • 653