Пахта терими бойынша Кегейли районы ҳәкиминиң район халқына мүрәжаты

 

Пахта терими бойынша Кегейли районы ҳәкиминиң район халқына мүрәжаты

 

Қәдирли ўатанласлар!

 

Ғәрезсиз елимиздиң барлық тараўларында раўажланыўлар болып, экономикамыз беккемленип, халқымыздың жасаў шараятлары күннен-күнге жақсыланып, қала ҳәм аўылларымыз абаданласып атырғаны ҳәр бир инсанда мақтаныш сезимлерин оятады.

Бунда әлбетте, аўыл хожалығы тараўының да мүнәсип орны бар. Мине, быйылғы жылыда районымызда  дийқан ҳәм фермерлеримиздиң, аўыл хожалығы тараўы қәнигелериниң тынымсыз мийнетлери ҳәмде халқымыздың қоллап қуўатлаўы менен пахтадан мол зүрәәт топланады.

Ҳүрметли районымыз пуқаралары!

Ҳәзир сынақлы мәўсим-гүз паслының ғәниймет күнлеринен нәтийжели пайдаланыў ҳәмде жетистирилген зүрәәтти қысқа мүддетлерде жыйнап-терип алыў ең тийкарғы ўазыйпаларымыздан саналады. 

Әҳмийетли тәрепи сонда, бүгинги күнде районымыз фермер хожалықларының пахта атызларында зүрәәт мол. Соны да айрыкша атап өтиў орынлы, Министрлер Кабинетиниң 2019-жыл 9-сентябрь күнги 752-санлы қарарына муўапық, биринши теримдеги 1 килограмм пахта шийки зат өними ушын 800 сўм, екинши теримде 1200 сўмнан хақы төлеў белгиленип қойылды.  Сонлықтан, пахтаның бир грамын да зая етпей оны жаўын-шашынлы күнлерге қалдырмай жыйнап-терип алыў-бизиң Ўатан алдындағы перзентлик парзымыз болып табылады.   Усыны есапқа алып, жетистирилген зүрәәтти жыйнап-терип, елимиз қырманына тапсырыўға мүнәсип үлес қосайық!

Гүллән халқымыздан ҳүкиметимиз тәрепинен пахтакешлерди қоллап-қуўатлаў бағдарында алып барылып атырған илажлардың әҳмийетин терең сезиниўди, олар ушын жаратылып атырған имканиятлардан нәтийжели пайдаланыўды ҳәмде қосымша дәрамат табыў имканиятын қолдан жибермеўди сорайман!

Әзиз ўатанласлар!

Елимиз экономикасының жәнеде беккемлениўинде пахта зүрәәтиниң тутатуғын орны ҳәм әҳмийетин есапқа алып, әзиз нураний аталарымыз бенен аналарымызды, ҳаял-қызларымызды, жасларымызды, барлық дөретиўши инсанларды жетистирилген пахтаның бир ханасын  да зая етпей, елимиз қырманына тапсырыўдай саўаплы ҳәм ийгиликли иске үлес қосыўға шақырамыз!

 

Кегейли районы ҳәкимлигиниң Мәлимлеме хызмети

 

скачать dle 10.6фильмы бесплатно



  • 17-09-2019, 20:46 |
  • 2 488