Сенат: Енди той тек ғана бир күн болады

Бүгин Өзбекстан Республикасы Нызамшылық Палатасы ҳәм Сенаты Кеңесиниң қоспа мәжилисинде «Той-мерекелер, шаңарақ салтанатлары, мереке ҳәм мәресимлер, марҳумлардың ядына арналған илажлар өткерилиўин тәртипке салыў системасын еле де жетилистириў ҳаққында»ғы қарар бир даўыстан мақулланды.

Усы қарар менен нызам жойбары да тастыйықланып, ол 2020-жылдың 1-январынан күшке кириўи белгиленген.

Оған муўапық, шаңарақ илажлар тек ғана бир күн – азанғы саат 06:00ден кешки саат 23:00ге шекем өткерилиўи керек. Жерлеў мәресими буған кирмейди.

Аймақлардың шәраятынан келип шығып, палаў бериў мәресими Халық депутатлары қала ҳәм район кеңеслери тәрепинен белгиленеди.

Саат 23:00ден кейин шаңарақ илажлар өткерилиўине жол қойылмайды. Шанарақ илажларында 200 адамға шекем, бул илажлар мүнәсибети менен өткерилетуғын палаў бериў мәресимлеринде 150 ге шекем адам қатнасыўы мүмкин.

Қос той-мерекелерде 250 адамға шекем, ол менен байланыслы палаў бериў мәресиминде 300ге шекем адам қатнасыўы мүмкин.

 

Аўдарма: makan.uz

 

скачать dle 10.6фильмы бесплатно



  • 14-09-2019, 15:13 |
  • 1 992