Сенат қатаң қарар қабыллады: енди тойларда баслаўшы, сөз устасы, фотограф шәртнама тийкарында хызмет көрсетеди

 

«Той-мерекелер, шаңарақ салтанатлары, мереке ҳәм мәресимлер, марҳумлардың ядына арналған илажлар өткерилиўин тәртипке салыў системасын еле де жетилистириў ҳаққында»ғы қарар жойбары бүгин Өзбекстан Республикасы Нызамшылық Палатасы ҳәм Сенаты Кеңесиниң қоспа мәжилисинде бир даўыстан мақулланды.

Оған муўапық, енди тойхана, кафе ҳәм ресторанларда 50 адам ҳәм оннан артық шахс қатнасыўында илаж өткериў ушын илаж өткериўши шахс ҳәм тойхана, кафе ҳәм ресторан басшысы ортасында шәртнама дүзилиўи керек болады.

Сондай-ақ, шанарақ илажларында қатнасыўшы баслаўшы, сөз устасы, фотограф ҳәм басқалар нызам ҳүжжетлерине муўапық, шәртнама тийкарында хызмет көрсетеди.

Шаңарақ илажларында диний мазмундағы баянат нәзерде тутылған болса, бул баянат дин мәкемесиниң ўәкили тәрепинен оқылыўы керек болады.

Қарар бойынша, миллий дәстүрлеримизге жат, әдеп-икрамлылық қағыйдаларына жат болған түрли шоулардың, шаңарақ илажларынан алдынғы ҳәм оннан кейинги қосымша фотосессиялардың өткерилиўине жол қойылмайды.

«Бунда келиннавкари, чарлар, отакўрди, матойиғди каби тадбирлар кўзда тутилади» (аўдармасыз берилди – makan.uz), - деп усы бәнтке түсиник берди Сенаттың Жаслар, мәденият ҳәм спорт мәселелери комитети баслығы Иқбол Мирзо. 

 

Бул қарар 2020-жылдың 1-январынан күшке кириўи нәзерде тутылған.

 

Аўдарма: makan.uz

 

 

скачать dle 10.6фильмы бесплатно



  • 14-09-2019, 14:46 |
  • 1 151