Шымбай районында энергия ресурсларынан пайдаланыўда жүз берген қағыйда бузарлықлар

Өзбекстан Республикасы Президентиниң тийисли Пәрманлары менен энергия ресурслары ҳәм суў тәмийнаты тармақларына өз басымшалық пенен жaлғaныў, талан-тараж қылыў ҳалатларын анықлаў, қaғыйдaбyзapлықлapғa хуқуққый жаза шараларын қоллаў Бюро органларына жүклетилген ўазыйпалардың бири етип белгиленген.

Сонлықтан, бул ўазыйпаларды атқарыўда Мәжбүрий орынлаў бюросы Шымбай районы бөлими тәрепинен мәкан пуқаралар жыйынлары ҳәм аўыл пуқаралар жыйыны аймақларында үгит нәсият жумыслары турақлы түрде алып барылмақта. Усының нәтийжесинде район турғынлары коммунал төлемлерин өз ўақтында төлеп келмекте.

Деген менен, айырым пуқараларымыз электр энергиясынан, тәбийий газден ҳәм ишимлик суўдан нызамсыз түрде пайдаланып атырғанлығының гүўасы боламыз.

Мысалы, 2019-жылдың январ ҳәм июнь айлары аралығында бул жумысларды үйрениў нәтийжесинде электр энергиясынан 10 жағдай, соннан жеткерилген зыян 7 млн 89 мың 441 сўмды, тәбийий газден 19 ҳалат, соннан жеткерилген зыян 122 млн 87 мың 160 сўмды, ишимлик суўдан 13 жағдай, соннан жеткерилген зыян 4 млн 496 мың 274 сўмлық зыян шығарылып жәми 42 ҳалат анықланды. Қағыйдабузарлықлар ақыбетинде зыян 134 млн 122 мың 845 сўмлық энергия ресурсларына жеткерилген зыянлар анықланды.

Соннан қағыйда бузарлардан энергия ресурслары ҳәм ишимлик суўы ушын 105 млн 886 мың 908 сўм өндирилди. Жеткерилген зыянлардың қалған муғдарында нызам талапларына сай өндириўдиң барлық илажлары көрилмекте.

Ҳүрметли пуқаралар! Күнделикли турмысымызда пайдаланып киятырған тәбийий газ, электр энергиясы ҳәм ишимлик суўлары ушын коммуналлық төлемлериңизди өз ўақтында төлеп барыўыңызды сорап қаламыз. Себеби өндирилген коммуналлық төлемлер нураныйлар ушын пенсия напақасы, жумыс ислеўшилер ушын айлық ис хақы, ал оқып атырған перзентлериңиз ушын степендия напақалары болып қайтады.

 

М.Мамбетмуратов,

Мәжбүрий орынлаў бюросы

Шымбай районы бөлими оператив

сектор криминалисти

скачать dle 10.6фильмы бесплатно



  • 5-09-2019, 21:18 |
  • 839