Қаўын тийелген Дамасқа Мәмлекетлик хызметлер агентлиги анықлық киритти!

 

Қаўын тийелген Дамасқа Мәмлекетлик хызметлер агентлиги анықлық киритти!

 

Инстаграм социал тармағында еки күн алдын Мәмлекетлик хызметлер орайының «Дамас» маркалы хызмет автомашинасына қаўын тийелген фотосүўрети тарқалды.

Усы хызмет автомашинасы арқалы Мәмлекетлик хызметлер орайларына келиў имкәниятына ийе болмаған пуқаралар ҳәмде алыс аймақларда жайласқан халық пунктлеринде жасаўшы шахслар ушын көшпели мәмлекетлик хызметлер көрсетиледи.

«Еки аўыз» сөздиң надурыс қолланылыўы ҳәр қандай фотосүўретти ҳәр түрли түсиниўге алып келиўи сыр емес. Аты аталған жағдайда да усы сыяқлы түсинбеўшилик жүзеге келген.

Усы жағдай надурыс талқыланбаўы ушын Мәмлекетлик хызметлер агентлиги анықлық киритпекте:

Ғәрезсизлик күни қарсаңында Мәмлекетлик хызметлери орайлары Республика бойлап социаллық қорғаўға мүтәж халық қатламлары ушын зәрүр жәрдем ҳәм бирлемши азық-аўқат өнимлери менен тәмийинлеў бойынша социаллық акциялар өткериў басламасы менен шықты. Усы қайырлы исте Қарақалпақстан Республикасындағы Орай хызметкерлериде қатнасты.

Фотосүўретте көринип турғанындай, Шымбай районы Мәмлекетлик хызметлер орайы хызметкерлери социаллық жәрдемге мүтәж пуқараларға жеткерип бериў ушын азық-аўқат өнимлерин сатып алмақта.

Базы бир социал тармақ пайдаланыўшылары усы жағдайды надурыс талқылап, «гәп-сөз» тарқатпақшы болған. Бундай түсинбеўшиликке жол қоймайық!

Себеби биреўге жақсылық етиўде ийгиликли ислерди қоллап-қуўатлаў сиз бенен биздиң тийкарғы ўазыйпаларымыздан саналады.

 

Мәмлекетлик хызметлер агентлиги Қарақалпақстан Республикасы басқармасы 

 

скачать dle 10.6фильмы бесплатно



  • 5-09-2019, 19:37 |
  • 2 435