Өзбекистанда Рамазан айының басланыў сәнеси жәрияланды

Өзбекистанда Рамазан айының басланыў сәнеси жәрияланды

Өзбекистан Президентиниң «Мүбәрек Рамазан айын мүнәсип түрде өткериў ҳаққында»ғы қарары жәрияланды.
Қарарға муўапық, 2017-жыл мүбәрек Рамазан айының басланыўы 27-май күнине туўры келиўи ҳаққындағы Өзбекистан мусылманлары мекемесиниң мәлимлемеси мағлыўмат ушын қабыл етилди.

Сондай-ақ, Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери «Нураний» фонды, «Маҳалла» қайырхомлық жәмәәт фонды ҳәм басқа жәмәәт шөлкемлери менен биргеликте Рамазан айын орынларда миллий дәстүр ҳәм қәдириятлар, үрп-әдетлеримизге сәйкес түрде өткериў менен байланыслы илажларды әмелге асырады.

Бул уллы айда мүтәж адамларды ҳәр тәреплеме қоллап-қуўатлаў, шаңарақлар ҳәм мәҳәллелерде меҳир-ақыбет ҳәм өз-ара ҳүрмет орталығын беккемлеў, уллы уламалар, әўлийе инсанлардың муқаддес зыяратханаларын абадандастырыў бойынша алып барылатуғын илажларды еле де күшейтиўге айрықша әҳмийет бериледи.

Бул қарардың орынланыўын қадағалаў Өзбекистан Республикасы Бас министри А.Ариповқа жүклетилди. Бул ҳаққында kun.uz хабар бермекте.

Фото: Getty Images
скачать dle 10.6фильмы бесплатно



  • 19-05-2017, 17:01 |
  • 448