Нызам ҳүжжетлерине өзгерислер киргизилди

Тез пәт пенен раўажланып атырған елимизде бәрше тараўларда кеңнен өзгерислер болмақта. Атап айтатуғын болсақ, Өзбекстан Республикасы Президентиниң «Мәмлекетлик хызметлерин көрсетиўдин миллий системасын жәнеде комплекс раўажландырыў ис-иләжлары ҳаққындағы 2019-жыл 15-февралдағы ПҚ-4193-санлы қарарына муўапық 2019-жыл 2-июльда Министрлер Кабинетиниң 548-санлы қарары қабыл етилди. Киритилген өзгерислер мәмлекетлик хызметлерин алыў ушын Бирден-бир интерактив мәмлекет хызметлери порталы арқалы мүрәжат еткенде, мәмлекетлик бажы, жыйымлар ҳәм басқа төлемлер мәмлекет хызметлери орайлары арқалы ямаса туўрыдан-туўры хызмет көрсетиўши органларға мүрәжат еткенде төленетуғын суммадан 90 пайыз муғдарында төллениўи нәзерде тутылады. Сондай-ақ Ҳукиметтиң лицензия бериў, рухсатнама бериў ҳәм басқа мәмлекет хызметлерин көрсетиўди тәртипке салатуғын ҳүжжетлерине мәмлекет хызметлерин тезлестирилген тәртипте  көрсетиўге тийисли қосымшалар киргизилди.

Яғный:

Фармацевтика тараўын лицензиялаў тәртибин жәнеде жетилистириў  ис-иләжлары ҳаққындағы  2017-жыл 12-майдағы 284-санлы қарарында: Лицензия бирден-бир  портал арқалы мүрәжат еткенде, бул бәнтте көрсетилген жыйым сумманың 90 пайызы өндириледи. Фармацевтика тараўын лицензиялаўда мүрәжатшиниң қәлеўине қарап улыўмаластырылған  ямаса тезлестирилген тәртипте әмелге асырылады. Лицензия улыўмаластырылған тәртипте 15 кун муддет ишинде ең кем айлық ис ҳақының  еки есеси муғдарында ал, арза  тезлестирилген тәртипте көрип шығылса 5 кун муддет ишинде белгиленген суммадан тысқары  ең кем айлық ис ҳақының еки есеси муғдарында,төлем өндириледи.Соның менен биргеликте Министирлер Кеңесиниң 2017-жыл 21-июндағы  405-санлы қарары яғный: Медицина тараўын лицензиялаў тәртибинеде өзгерислер киргизилди. Бундада лицензия мүрәжатшиниң қәлеўине қарап улыўмаластырылған  ямаса тезлестирилген тәртипте әмелге асырылады. Лицензия улыўмаластырылған тәртипте  20 кун мүддет ишинде ең кем айлық ис ҳақының  еки есеси муғдарында ал, арза  тезлестирилген тәртипте көрип шығылса 5 кун мүддет ишинде белгиленген суммадан тысқары  ең кем айлық ис ҳақының үш есеси муғдарында төлем өндириледи.

 

Жеңис Қурбаниязов,

Қоңырат районы Мәмлекетлик

хызметлер орайы директоры

скачать dle 10.6фильмы бесплатно



  • 22-08-2019, 17:13 |
  • 569