Мәмлекетлик тоғай фондына кирмейтуғын тереклер ҳәм путаларды кесиўге рухсатнама талап етиледи

Өзбекстан Республикасы Министрлер Кабинетиниң 2018-жыл 31-август күнги “Тәбияттан пайдаланыў тараўында мәмлекетлик хызметлер көрсетиўдиң айырым ҳәкимшилик регламентлерин тастыйықлаў ҳаққында”ғы қарарында Мәмлекетлик тоғай фондына кирмейтуғын тереклер ҳәм путаларды кесиўге рухсатнама бериў бойынша мәмлекетлик хызметлер көрсетиўдиң ҳәкимшилик регламенти тастыйықланған болып, бул хызмет бойынша арза берилгенде мәмлекетлик тоғай фондына кирмейтуғын тереклер ҳәм путаларды кесиўге тек ғана санитария мақсетлеринде соның менен бирге имәратлар ҳәм коммуникацияларды қурыў ҳәм реконструкция қылыў менен байланыслы болған жағдайларда рухсат етиледи. Мәмлекетлик тоғай фондына кирмейтуғын тереклер ҳәм путаларды кесиўге рухсатнама алмастан турып кесиў қадаған етиледи. Юридикалық яки физикалық шахслардың мүлки болған ҳәм олар тәрепинен ағаш-тахта ҳәм өним алыў ушын егилген тереклер ҳәм путаларды (терек ҳәм басқа тез өсиўши сортлар, тут плантациялары, мийўели тереклер ҳәм путалар) кесиўге рухсатнама талап етилмейди.

Пуқаралар бул хызметтен пайдаланыў ушын Мәмлекетлик хызметлер орайларына яки өзлери my2.gov.uz  бирден бир интерактив мәмлекетлик хызметлер порталы арқалы бул хызметтен пайдаланыўларына болады. Сораўнама толтырылғаннан соң арза бериўши оны өз электрон санлы имзасы менен тастыйықлайды. Өзи келип мүражат еткен тәғдирде сораўнаманы өз электрон санлы имзасы менен тастыйықлаў имкәни болмаған жағдайларда тийисли имзалар идентификация қылыўдың басқа түрлери (дактилоскопия, электрон санлы имза ҳәм басқалар) менен де тастыйықлаўы мүмкин. Мәмлекетлик хызмет көрсетиў ушын ең кем айлық ис ҳақының 30 пайызы муғдарында жыйым өндириледи егер my2.gov.uz  бирден бир интерактив мәмлекетлик хызметлер порталы арқалы арза берилсе жоқарыда көрсетилген сумманың 90 пайызы төленеди. Тәбийий апатлар яки өсимликлер зиянкеслери, кеселликлери тәсиринде зыянланған, қуўрап атырған яки қуўрап қалған, соның менен бирге инсанларлың өмири ҳәм ден саўлығына, юридикалық ҳәм физикалық шахслардың мал-мүлкине қәўип салып турған тереклер ҳәм путаларды кесиў ушын рухсатнама тийисли төлемлерди әмелге асырмасдан бериледи.

Пуқараларымызды мәмлекетлик тоғай фондына кирмейтуғын тереклер ҳәм путаларды өзбасымшалық пенен кеспестен Мәмлекетлик хызметлер орайларына яки өзлери my2.gov.uz  бирден бир интерактив мәмлекетлик хызметлер порталы арқалы бул хызметтен пайдаланыўларына шақырып қаламыз.

 

У.Жумамуратов,

Нөкис районы Мәмлекетлик хызметлер орайы бас қәнигеси

скачать dle 10.6фильмы бесплатно



  • 21-08-2019, 17:54 |
  • 354