Ишки ислер хызметкери айырым жағдайларда физикалық күш ислетиўге ҳақылы

Нызамшылыққа көре (http://lex.uz/docs/3027843), егер ишки ислер хызметкери мойнына жүкленген мәжбүриятларды күш ислетпестен турып орынлаўдың илажы болмаса, ол төмендеги жағдайларда күш ислетиўи, соның ишинде гүрестиң урыс усылларын қоллаўы мүмкин:

 -  жынаятларға ҳәм ҳәкимшилик ҳуқықбузарлықларға шек қойыў ушын;

 -  жынаятлар яки ҳәкимшилик ҳуқықбузарлықлар ислеген шахсларды ең жақын ишки ислер органына ямаса ҳуқықты қорғаўшы басқа органға алып барыў ҳәм бул шахсларды услап турыў ушын;

 -  ишки ислер органы хызметкериниң нызамлы талапларына қарсылық көрсетилиўин сапластырыў ушын.

Физикалық күш ислетилиўи шахслардың ҳәрекетлери өзгешелигине ҳәм қәўиплилик дәрежесине муўапық болыўы керек.

Физикалық күш ислетилгенлиги ҳәм арнаўлы қураллар қолланылғанлығы нәтийжесинде шахслардың өмирине, ден саўлығына яки мал-мүлкине зыян жеткизилген ҳәр бир  жағдай ҳаққында ишки ислер органлары прокурорға дәрҳал хабар бериўи шәрт.

 

Дерек: @huqiqiymalimleme

скачать dle 10.6фильмы бесплатно



  • 21-08-2019, 10:02 |
  • 1 195