ЖОЛЛАРДА АБАЙЛЫ БОЛЫҢ!

Гүзар жол автомашина басқарыўшылары ҳәм пиядалардан бирдей жуўапкершилик ҳәм итибарлылықты талап етеди. Бул мәселеге қарата жуўапкерсизлик, жолларда түрли автоавариялардың келип шығыўына себеп болады. Усы жылдың 30-апрель күни, пуқара Б.Ж, А-380 Гүзар-Бухара-Нөкис-Бейнеў магистраль жолының 853 километринде, батыстан шығыс тәрепке ҳәрекетленип баратырып, әмелдеги жол қағыйдаларына бойсынбастан, жолдың пиядалар өтиў жолынан кесип өтип атырған пияда С.О ны қағып кеткен. Жәбирлениўши тезлик пенен емлеўханаға жеткерилген ҳәм медициналық экспертизаның жуўмағына көре, С.О ның өмири ушын қәўипли белгилери болған аўыр дәрежедеги дене жарақатларын алғанлығы анықланған. Б.Ж жоқарыдағы ис-ҳәрекети менен Жынаят Кодексиниң 266-статьясы 1-бөлиминде көрсетилген жынаятты итибарсызлығы ақыбетинде ислегенлиги ушын, нызам тийкарында тийисли тәртипте жаза алды.  Ҳүрметли пуқаралар, өз жуўапкершилигиңиз шеңбериндеги ҳәр бир иске итибарлы қатнаста болыўыңызды сораймыз. Өйткени, сизиң сәл ғана дыққатсызлығыңыз, сизге ямаса басқа кимгедур зыян жеткериўи мүмкин. Жолларда абайлы болың!

 

Дерек: diyar.uz

 

скачать dle 10.6фильмы бесплатно



  • 19-08-2019, 13:45 |
  • 2 342