Туннель және исленип атыр

Хабарыңыз бар, келеси ҳәпте басында Президентимиз Қарақалпақстанға сапар етиўи режелестирилген. Усы мүнәсибет пенен бе, яки басқа себеплерге бола ма Нөкис қаласындағы Орайлық дийхан базар жанындағы жер асты өтиў жолы қайта исленбекте. Бүгин, 17-август күни қайта оңлаў жумысларын сүўретке алдық ҳәм оны нәзериңизге усынбақтамыз. Исленип атырған оңлаў жумысына нәзер салсаңыз қурылыс материалларының (соның ишинде өнимлериниң де) бул ағымдағы оңлаў жақсы нәтийже беретуғынына гүман туўдырады. Қәнигелер бир нәрсени билип ислеп атырған болса керек, билмей ислеп атырған болса жер асты суўлары өзин узақ күттирмейтуғынын талай рет көрип жүрмиз.  Көремиз, күтемиз. Исленип атырған бул жумыслар тек ғана Президент келип кетемен дегенше – жаман жерди жамап, түскен жерди сыбап қоятуғын көз бояўшылық емес деп үмит етемиз.

 

Лола Қаллыханова,

журналист

скачать dle 10.6фильмы бесплатно



  • 17-08-2019, 21:51 |
  • 969