Аўыл хожалығына мөлшерленбеген жер участкаларын меншиклестириў ҳаққында Нызам қабылланды

Нызамға муўапық, көшпес мүлк объектлери жайласқан жер участкаларын меншиклестириў ҳаққындағы арза жер участкасы жайласқан район (қала) ҳәкиминиң атына мәмлекетлик хызметлер орайлары ямаса Бирден-бир интерактив мәмлекетлик хызметлер порталы арқалы бериледи.

Усы арза Жер участкаларын бериў мәселелерин көрип шығыў бойынша комиссия тәрепинен 10 жумыс күни ишинде көрип шығылады.

Комиссияның жуўмағы ҳәкимниң жер участкаларын меншиклестириў ямаса оларды меншиклестириўден бас тартыў ҳаққындағы тийисли қарарын қабыл етиў ушын тийкар болады.

Жер участкаларын меншиклестириўден бас тартыў ҳаққындағы қарар комиссияның унамсыз жуўмағы дүзилген күнде қабыл етиледи ҳәм усы қарар үстинен ҳәкимшилик судқа шағым етилиўи мүмкин.

Меншиклестириў ҳаққындағы қарар меншиклестирилетуғын жер участкасы ушын тийисли төлем әмелге асырылғаннан кейин 3 жумыс күни ишинде қабыл етиледи.

Ҳүжжет ҳаққындағы толық мағлыўмат пенен www.lex.uz сайты арқалы танысыў мүмкин.

 

Дерек: @huqiqiymalimleme

скачать dle 10.6фильмы бесплатно



  • 14-08-2019, 14:28 |
  • 686