Районлар ҳәм қалалар ҳәкимликлерине исбилерменлерди айырым жумысларға мәжбүрий тартыў қадаған етилди

Жеке мүлкти қорғаў ҳәм мүлкдарлар ҳуқықларының кепилликлерин күшейтиў, исбилерменлик басламаларын қоллап-қуўатлаў бағдарындағы жумысларды шөлкемлестириў системасын түп-тийкарынан жетилистириў бойынша қосымша илажлар, сондай-ақ исбилерменлик субъектлериниң финанслық ресурслар ҳәм ислеп шығарыў инфраструктурасынан пайдаланыў имканиятларын кеңейтиў ҳаққындағы Президент Пәрманы қабыл етилди (ПП-5780, 13.08.2019-ж.)

Пәрманға муўапық, Қарақалпақстан Республикасы Министрлер Кеңеси, ўәлаятлар, Ташкент қаласы, районлар ҳәм қалалар ҳәкимликлерине төмендегилер қадаған етиледи:

 -  исбилерменлерди өз искерлигинен тысқары, соның ишинде қәўендерлик ҳәм қайырқомлық жәрдемин көрсетиў, аймақларды абаданластырыў, көклемзарластырыў, темир-терсек ҳәм макалатура жыйнаў жумысларына мәжбүрий тартыў;

 -  исбилерменлерди аўыл хожалығындағы мәўсимлик жумысларға (егиў ҳәм жыйнап алыў) ҳәм мийнет ресурслары, пул қаржылары ҳәм басқа материаллық байлықларды бағдарлаў менен байланыслы басқа илажларға тартыў;

 -  исбилерменлер қатнасында мәжбүрий тәртипте, соның ишинде оларға қарата ҳәкимшилик ҳәм басқа шараларды қоллаў қәўипи астында жыйналыслар ҳәм басқа илажларды өткериў.

2020-жыл 1-январдан баслап Қарақалпақстан Республикасы Министрлер Кеңеси баслығы, ўәлаятлар, Ташкент қаласы, районлар ҳәм қалалар ҳәкимлериниң төмендеги ўәкилликлери тийисли халық депутатлары Кеңеслерине бериледи:

 -  аўыл хожалығына мөлшерленген жер участкаларын алып қойыў ҳәм бир фермер хожалығынан басқасына өткериў;

 -  физикалық ҳәм юридикалық шахслар ийелигинде болған, олар пайдаланатуғын ҳәм мүлки болған жер участкаларын жәмийет ҳәм мәмлекет мүтәжликлери ушын алып қойыў.

 

Дерек: @huqiqiymalimleme

скачать dle 10.6фильмы бесплатно



  • 14-08-2019, 12:02 |
  • 461