Қараөзек районында нызамсыз балық аўлағанларға жәрийма белгиленди

 

Қараөзек районында нызамсыз балық аўлағанларға жәрийма белгиленди

 

Бүгинги күнде Қарақалпақстан Республикасы Экология ҳәм қоршаған орталықты қорғаў комитети тәрепинен тәбиятқа ҳәм ҳайўанат дүньсына зыян жеткерилип атырған бир қанша ҳуқықбузарлықлар анықланып жәриймалар белгиленбекте.
2019-жылы 5-июнь күни Қарақалпақстан Республикасы Экология ҳәм қоршаған орталықты қорғаў комитети Биокөптүрлилик ҳәм қорғалатуғын тәбийғый аймақлар мәселелер бөлими инспекторлары Б.Қурбаналиев ҳәм К.Хожамуратовлар тәрепинен Қараөзек районында өткерилген нәўбеттеги рейд даўамында усы аймақта мәмлекетлик белгиси 95 v 868 болған «Матиз» маркалы автомобиль тоқтатылады.
Инспекторлар тәрепинен тексериў даўамында балықларды аўлаў қадаған етилген ўақытта пуқаралар Ж.А, Қ.Е, А.А, Ө.Б ҳәм О.Н.лар Қараөзек районы «Алғабас» АПЖ аймағынан ағып өтип турыўшы КС-3 коллекторрынан 2 дана ақ амур, 2 дана сазан, 2 дана жылан бас балықларын услап алып киятырғаны анықланған.
Пуқаралар бул нызамсыз ис-ҳәрекети арқалы Ҳайўанат дүньсына 8 514 660 сум зыян жеткерген.
Рейд даўамында айғақлық зат ретинде алынған еки дана резина қайық, 2 дана шанышқы, 2 дана аккумлятор ҳәм 2 дана жарытқыш үскенелери ўақтынша комитетте сақланбақта.
Ҳәкимшилик ислери бойынша Қараөзек районы суды тәрепинен ҳуқықбузыўшыларға Ҳәкимшлик жуўапкершилик ҳаққындағы кодекстиӊ тийисли статьясы менен еӊ кем айлық ис ҳақыныӊ 4 есесинде жәрийма белгиленди.

 

Қарақалпақстан Республикасы Экология комитетиниӊ Жамийетшилик ҳәм ҒХҚ менен ислесиў бөлими

 

скачать dle 10.6фильмы бесплатно



  • 12-08-2019, 19:27 |
  • 965